Գերմանական BMW ընկերությունը ներկայացրել է երկրորդ սերնդի M2 կուպեն։ Այս մասին հայտնում է բրենդի մամուլի ծառայությունը։ Սովորական 2-րդ սերիայի մեքենայից M2-ը տարբերվում է իր օրիգինալ թափքի հավաքածուով, բրենդային արտանետման համակարգով և տարբեր լայնությամբ անիվներով. առջևում տեղադրված են 19 դյույմանոց 275/35 անիվներ, իսկ հետևի մասում 20 դյույմանոց 285/30 անիվները: . Սերնդափոխության հետ մեքենան դարձել է մի փոքր ավելի լայն, երկար ու ցածր: Սրահում մուլտիմեդիա համակարգի 12,3 դյույմանոց թվային էկրան է տեղադրված դիմային վահանակի վրա։ Բացի այդ, մեքենան համալրված է սպորտային նստատեղերով, դիսփլեյով, տաքացվող ղեկով և սմարթֆոնի անլար լիցքավորիչով։ Մոդելը համալրված է 3,0 լիտրանոց բենզինային շարժիչով ՝ 460 ձիաուժ հզորությամբ և վեցաստիճան մեխանիկական փոխանցման տուփ: 0-ից 100 կմ/ժ արագությունը մեքենան զարգացնում է 4,3 վայրկյանում։ Առավելագույն արագությունը 250 կմ/ժ է։