Ռուսական Toyota գործարանը մինչև 2022 թվականի վերջ կազատի աշխատակիցներին Սանկտ Պետերբուրգի Toyota գործարանը նախատեսում է ավարտել աշխատակիցների ազատումը մինչև 2022 թվականի վերջը,- հայտնում է Interfax-ը ՝ հղում անելով Toyota-ի ռուսական գրասենյակի մամուլի ծառայությանը։ «Նոյեմբերի 14-ից դեկտեմբերի 2-ն ընկած ժամանակահատվածում գործարանի աշխատակիցների մեծ մասը կողմերի համաձայնությամբ ազատվել է աշխատանքից։ Այս պահին մասնաճյուղի աշխատակազմն ունի 137 աշխատակից»,- գործակալությանը պարզաբանել են ընկերությունից։ Գործարանի աշխատակիցների կրճատման գործընթացը կտևի մինչև 2022 թվականի վերջ։ «Toyota Motor» ՍՊԸ-ի տվյալներով ՝ ընկերության ընդհանուր աշխատակազմը 2022 թվականի սեպտեմբերին կազմել է 2,35 հազար մարդ։ Նոյեմբերի դրությամբ Toyota գործարանում անգործության են մատնվել ավելի քան 1,9 հազար աշխատակիցներ։ Ավելի վաղ հաղորդվել էր, որ նոյեմբերի 30-ին իրավապահ մարմինների ներկայացուցիչները ռուսական գվարդիայի աջակցությամբ ժամանել են ձեռնարկություն ՝ օրենքի պահանջներին համապատասխանության չպլանավորված ստուգման նպատակով։ Հաջորդ օրը հայտնի դարձավ, որ գործարանը տեխնիկայի կոնսերվացիա է անցնում։