Կառավարությունը փոխհատուցում է ՀՀ–ում մնացած ԼՂ քաղաքացիների կացության ծախսերը 2022թ. դեկտեմբերի 12-ից Լաչինի միջանցքի փակման հետևանքով Հայաստանում գտնվող 486 արցախցիների կացության համար կառավարության որոշմամբ հատկացվել է 98 490 500 դրամ: Դրանից 11.5 մլն–ը տրվել է Երևանի քաղաքապետարանին, 87 046 500-ը` Սյունիքի մարզպետարանին: Լեռնային Ղարաբաղի քաղաքացիները տեղավորվել են տարբեր հյուրանոցներում: Փոխհատուցումը 2023թ–ի հունվարի 10-ից մինչև հունվարի 25-ը կատարված հյուրանոցային ծառայությունների համար է: Ավելի վաղ գործադիրը մեկ այլ որոշմամբ արդեն փոխհատուցել էր մինչև  հունվարի 9-ը կատարված ծախսերը: