ԱՄՆ-ում պարենային ապրանքների գների ընդհանուր մակարդակը նախորդ տարվա համեմատ աճել է 10,9%-ով։ Այս մասին հայտնում է Bloomberg-ը ՝ հղում անելով ԱՄՆ աշխատանքի նախարարությանը։
Նշվում է, որ սա 1979 թվականից ի վեր ամենանշանակալի թանկացումն է։ Մասնավորապես, ռեկորդային թանկացումներ են գրանցել ապուրները (+19,1%), հացահատիկային ապրանքները (+16,8%), մանկական սնունդը (+15%) և սառեցված մրգերն ու բանջարեղենը (+10,6%)։
Բացի այդ, ԱՄՆ-ում մանրածախ ձվերը թանկացել են 38%-ով, ինչը ամենաբարձրն է 2007 թվականի հոկտեմբերից ի վեր, մինչդեռ կաթնամթերքը թանկացել է 14,9%-ով ՝ հասնելով 2004 թվականի հունիսի ռեկորդին:
Ինչպես նշում է Bloomberg-ը, էներգակիրների ցածր գների պատճառով գնաճը նախորդ ամսվա համեմատ նվազել է, սակայն սննդի և վարձակալության թանկացման պատճառով դա ուժեղ ազդեցություն է ունենում սովորական ամերիկացիների կյանքի վրա։ Խոսքը հիմնականում վերաբերում է ԱՄՆ-ի ցածր եկամուտ ունեցող բնակիչներին, ովքեր ընտանիքի բյուջեի մեծ մասը ծախսում են մթերային ապրանքների վրա։
Նախկինում NBC-ն հայտնել էր, որ ԱՄՆ բնակիչները ցնցված են էլեկտրաէներգիայի ստացված վճարներից, որոնք շատերը չեն կարողանում վճարել։
Մեկնաբանություն