Եվրամիության պատժամիջոցների տակ հայտնված «Տինկոֆ Բանկ»-ը դադարեցրել է փոխանցումների կատարումը Թուրքիա,- RBC-ին հայտնել են կազմակերպության աջակցության ծառայությունում։
«Ցավոք, մենք չենք կարող փոխանցում ուղարկել այդ երկիր։ Սահմանված պատժամիջոցների պատճառով SWIFT փոխանցումները կարող են սառեցվել կոնտրագենտ բանկի կողմից։ Ուստի մենք ժամանակավորապես փոխանցումներ չենք կատարում»,- ասված է հաղորդագրության մեջ։
Բանկում հայտնել են նաեւ, որ «Տինկոֆ»-ը վերլուծում է Եվրահանձնաժողովի որոշումը՝ իր դեմ պատժամիջոցներ կիրառելու մասին, դեպի արտասահման փոխանցելու հնարավորությունը կախված կլինի «այդ երկրներում թղթակից բանկերի դիրքորոշումից»։
«Տինկոֆ»-ի կայքում նշված է, որ SWIFT-ի միջոցով բանկի քարտերից թուրքական արժույթով փոխանցումներն ընդունվել են երկրի բոլոր բանկերի կողմից։ Փոխանցման նվազագույն գումարը կազմել է 10 հազար լիրա (40 հազար ռուբլի, ՌԴ ԿԲ մարտի 4-ի փոխարժեքով), միջնորդավճարը եղել է 300 լիրա։ Բանկում նշել են, որ այժմ դեպի Թուրքիա անհասանելի են նաեւ եվրոյով ու դոլարով փոխանցումները։
Մեկնաբանություն