Կանադայի և Գերմանիայի վարչապետները ստորագրել են մտադրությունների համատեղ հռչակագիր, որը նախատեսում է Եվրոպա ջրածնի մատակարարման անդրատլանտյան միջանցքի ստեղծում։ Այն պետք է սկսվի մինչև 2025 թվականը,- գրում է CBC-ն։
Համաձայնագիրը, որը Կանադայի վարչապետ Ջասթին Թրյուդոն անվանել է Կանադա-գերմանական ջրածնային դաշինք, ստորագրվել է Սթիվենվիլ քաղաքում (Նյուֆաունդլենդ և Լաբրադոր), որտեղ նախատեսվում է կառուցել մեծ գործարան «կանաչ» ջրածնի արտադրության համար։
Այն սնուցվելու է 164 հողմային տուրբիններով, որոնք պատրաստվում են տեղադրվել հարևան Պորտ-օ-Պորտ թերակղզու երկայնքով: Գերմանիան նույնպես ելք ունի դեպի ծով, սակայն կանցլեր Օլաֆ Շոլցի խոսքով ՝ Գերմանիայի ափին քամիներ չկան, ինչպես Կանադայում։
Ջրածինը համարվում է էներգիայի «կանաչ» աղբյուր, եթե այն արտադրվում է սովորական ջրից ՝ էլեկտրոլիզով, իսկ էլեկտրաէներգիան վերցվում է զուտ վերականգնվող աղբյուրներից ՝ քամուց, արևից, կենսազանգվածից։
Շոլցը հույս է հայտնել, որ ջրածինը կարևոր դեր կխաղա Գերմանիայի ապագա էներգամատակարարման մեջ, հատկապես այն ոլորտներում, որոնք դժվար է ածխաթթվայնացնել, ինչպիսիք են նավագնացությունը և ավիացիան:
