Կորեայի Հանրապետության կառավարությունը մինչև տարեվերջ չեղարկում է նավթի և նավթամթերքի ներմուծման մաքսատուրքերը, որոնք կազմում էին 0.5%: Պատճառը Ռուսաստանից այդ ապրանքների մատակարարման հետ կապված խնդիրների և միջազգային մրցակցության աճն է: Այս մասին հայտնել է Կորեայի Հանրապետության էկոնոմիկայի և ֆինանսների նախարարությունը,- գրում է b24.am-ը։
Իշխանությունները նշել են, որ Ուկրաինայում հատուկ ռազմական գործողության շարունակման ֆոնին «խնդիրներ են առաջանում Ռուսաստանից համեմատաբար էժան ներմուծման հետ կապված», ինչի պատճառով հարավկորեական ընկերությունների արտադրության ինքնարժեքը լրջորեն աճել է։
«Նավթաքիմիական արդյունաբերության մրցակից երկրները, ինչպիսիք են Չինաստանը և Հնդկաստանը, վերջին շրջանում զգալիորեն մեծացրել են իրենց արտադրական հզորությունները, մեր ընկերությունների արտահանման մրցունակությունը հայտնվել է վտանգավոր վիճակում», – նշել են նախարարությունից։
Պաշտոնյաները հավելել են, որ դրա հետ կապված որոշում է կայացվել այսօրվանից չեղարկել նավթամթերքի ներմուծման մաքսատուրքերը։
