G20 երկրների մեծ մասն ավելի շատ առևտուր է անում Չինաստանի հետ, քան ԱՄՆ-ի հետ։ Այս մասին հայտնում է Bloomberg-ը։
Հրատարակությունը հայտնում է, որ Ռուսաստանին և Չինաստանին մեկուսացնելու ԱՄՆ ցանկությունը ձախողվում է, քանի որ համաշխարհային առևտրային հաշվեկշիռը մնում է Չինաստանի կողմում։ Մինչ G7 երկրները խոստացել են աջակցել Ուկրաինային, G20 երկրների մեծ մասը շարունակում է խոշոր գործարքներ կնքել չինական պետական ընկերությունների հետ:
Նշվում է, որ G20-ի բոլոր երկրներից (բացի ԱՄՆ-ից և Չինաստանից), միայն Հնդկաստանում, Մեքսիկայում, Կանադայում և Իտալիայում է ԱՄՆ-ի հետ առևտրի ծավալն ավելի մեծ, քան Չինաստանի հետ։ Ենթադրվում է, որ հաշվի առնելով այն հանգամանքը, որ G20-ը ներառում է երկրներ, որոնց բաժին է ընկնում համաշխարհային տնտեսական արտադրության մոտ 85%-ը, այս թվերն ավելի լավ են արտացոլում համաշխարհային ընդհանուր միտումները։
