Անշարժ գույքի վարձի 10%-ը պետք է վճարվի պետությանը. ՊԵԿ
Ավելի քան ֏260 միլիոն տուգանք՝ նոյեմբերին. ՊԵԿ
ՀՀ-ում 7-ից 9-ը տ. երեխաների 27,7%-ն ունեն ավելցուկային քաշ
Թրք. լիրան անկումով հասել է պատմական նվազագույնի
23թ.-ի ՀՀ սպառողական գների ինդեքսն աճել է 2.2%
ՌԴ նավթից և գազից եկամուտներն ավելացրել է 10.9%
Երևանի բյուջեի մուտքերը ավելի են եղել ֏8 մլրդ 373 մլն
֏3.8 մլն տուգանք շինհրապարակներում խախտումների համար
ՄՊՀ-ն «Իգիթ» ՍՊԸ-ին տուգանել է շուրջ ֏32 միլիոն չափով
23թ.-ի ՀՀ կոնյակի արտադրությունը նվազել է 20.5%
Բիզնես լրահոսի մանրամասները՝ www.abnews.am կայքում
Apple-ն ամբողջ աշխարհով կրեդիտ քարտ կթողարկի
Վրաստանում նոյեմբերին տարեկան գնաճը կազմել է 0,1%
Կանայք Հայաստանի աշխատուժի 52%-ը չեն. Infocom
֏1285.5 մլրդ արժեքով 55.7 մլն գործարք` մեկ ամսում. ՊԵԿ
$10 մլն կուղղվի կանանց ձեռներեցության զարգացմանը
Բիթքոինի փոխարժեքը գերազանցել է $41.000
Ապամոնտաժվել է 640 ինքնակամ տեղադրված գովազդ
Շին.օբյեկտներում օդը ստուգող սարքեր կտեղադրվեն
Սև ուրբաթին ԱՄՆ 28%-ը գնումներ է կատարել առցանց

Կենտրոնական բանկ. Վերաֆինանսավորման տոկոսադրույքը սահմանվել է 10.5%

Հնս 13, 2023 20:25
16
ADS

2023 թ. հունիսի 13-ի նիստում ԿԲ խորհուրդը որոշեց վերաֆինանսավորման տոկոսադրույքը նվազեցնել 0.25 տոկոսային կետով՝ սահմանելով 10.5%:

2023 թ. մայիսին 12-ամսյա գնաճը շարունակել է արագ տեմպերով նվազել և ամսվա վերջին կազմել է 1.3%: 12-ամսյա բնականոն գնաճը նույնպես զգալիորեն նվազել է՝ կազմելով 3.1%: 2023 թ. երկրորդ եռամսյակում համաշխարհային և ՀՀ հիմնական գործընկեր երկրներում տնտեսական աճի դանդաղ տեմպերը պահպանվում են, և 12-ամսյա գնաճը շարունակում է նվազել։ Այդուհանդերձ, գործընկեր բոլոր երկրներում, աշխատաշուկաներից ածանցվող գնաճային ճնշումների պահպանման պայմաններում, կոշտ գներով աչքի ընկնող ապրանքների և ծառայությունների գները դեռևս պահպանվում են բարձր մակարդակներում: Ուստի, գործընկեր երկրների կենտրոնական բանկերն առաջիկայում կշարունակեն վարել զսպող դրամավարկային քաղաքականություն: Ֆինանսական խիստ պայմանների ներքո պահանջարկի շարունակական թուլացումը նպաստում է ապրանքահումքային շուկաներում գների նվազմանը: Արդյունքում՝ համաշխարհային տնտեսությունից ՀՀ տնտեսության վրա գնաճային ազդեցությունները շարունակում են էականորեն թուլանալ:

2023 թ. երկրորդ եռամսյակում ՀՀ-ում դիտվում է սպասվածից բարձր տնտեսական ակտիվություն, որին հիմնականում նպաստում են շինարարության և ծառայությունների ոլորտներում արձանագրված բարձր աճերը: Աշխատանքի շուկայում դիտարկվող դրական տեղաշարժերը և արտադրողականության աճը պայմանավորում են նաև տնտեսության ներուժային աճի որոշակի ավելացումը։ Մյուս կողմից, պահպանվող արտաքին բարձր պահանջարկը և տնտեսությունում եկամուտների ավելացումը դրականորեն են նպաստում պահանջարկի ընդլայնմանը: Արտաքին հատվածից գնաճային ազդեցության էական թուլացման, իրականացված զսպող դրամավարկային քաղաքականության և դրամի արժևորման արդյունքում գնաճային միջավայրը ՀՀ-ում շարունակում է
արագ տեմպով մեղմվել: Այնուամենայնիվ, բարձր պահանջարկի և գնաճային սպասումների պայմաններում ծառայությունների և որոշ ապրանքների գնաճն ավելի դանդաղ է ճշգրտվում:

ԿԲ խորհուրդը նպատակահարմար է գտնում նվազեցնել քաղաքականության տոկոսադրույքը: Խորհուրդը հետևողական է լինելու համարժեք գործողություններով ապահովելու պահանջարկի կարգավորում և գնաճային սպասումների կայունացում: Դրամավարկային քաղաքականության նախանշված սցենարում 12-ամսյա գնաճն առաջիկայում կպահպանվի նպատակային ցուցանիշից ցածր մակարդակում, այնուհետև աստիճանաբար կավելանա և միջնաժամկետում կկայունանա նպատակային 4% ցուցանիշի շուրջ:

Կենտրոնական բանկի խորհուրդը գնահատում է, որ նախանշված ուղեգծից գնաճի շեղման ռիսկերը հիմնականում հավասարակշռված են։ Ռիսկերի որևէ ուղղությամբ դրսևորման պարագայում Խորհուրդը համարժեքորեն կարձագանքի և կապահովի գների կայունության նպատակը: Տոկոսադրույքի մակարդակի որոշման հիմքում ընկած մանրամասն տեղեկատվությանը կարող եք ծանոթանալ մինչև 2023թ. հունիսի 27-ը հրապարակվելիք Գնաճի հաշվետվությունում (Դրամավարկային քաղաքականության 2023 թ. երկրորդ եռամսյակի ծրագրում):

Մեկնաբանություն