Երբ մենք խոսում ենք այն մասին, որ Հայաստանը դարպաս է ԵԱՏՄ-ի համար կամ ԱՄԷ-ի գլոբալ առեւտրային հաբ լինելու մասին ենք խոսում, բնականաբար, ենթադրվում է, որ այդ երկու երկրների ընկերությունները նաեւ վերաարտահանման զուտ միջնորդային գործունեություն իրականացնեն: Այս մասին այսօր՝ սեպտեմբերի 18-ին, հայ-էմիրաթական բիզնես ֆորումից առաջ լրագրողների հետ զրույցում նշեց ՀՀ էկոնոմիկայի նախարար Վահան Քերոբյանը:
«Այդտեղ ամեն ինչ նորմալ է եւ ուզում եմ ասել, որ Հայաստանի կառավարությունը ամեն ինչ անում է, որ ՀՀ-ում գործող ընկերությունները չընկնեն երկրորդային սանկցիաների տակ: Մենք մեր գործիքակազմով փորձում ենք բացառել սանկցիոն ապրանքների առեւտուրը, որը կարող է հարված հասցնել թե ընկերություններին, թե տնտեսությանը»,-ընդգծեց նախարարը:
JavaScript seems to be disabled in your browser. You must have JavaScript enabled in your browser to utiliyouze the functionality of this website.
