Ինչպես գտնել լավ աշխատանք առանց մեծ փորձի․ գործատուների համար կարևոր գործոնները. մանրամասները՝ ABNews.am կայքում
Աշխատանքից մեծ եկամուտ՝ առանց ղեկավար դառնալու. կարիերայի թաքնված ուղիները. մանրամասները՝ ABNews.am կայքում
Էլեկտրական մեքենաների վաճառքի գլոբալ պատկերը․ ինչ փոփոխություններ են տեղի ունեցել շուկայում. մանրամասները՝ ABNews.am կայքում
Ինչպես են բաշխվել բանկային վարկերը ՀՀ տնտեսության տարբեր ոլորտներում 2024-ի ընթացքում. մանրամասները՝ ABNews.am կայքում
Ռուսաստանի արտաքին առևտրային հավելուրդը հունվարին նվազել է մինչև 4.5 մլրդ դոլար
Ինչու են փորձագետները նախազգուշացնում AI-ի չափից շատ օգտագործման ռիսկերի մասին. մանրամասները՝ ABNews.am կայքում
Honda-ն 3-րդ եռամսյակում ավելացրել է գործառնական շահույթը 4.6%-ով
Firdus Prime Residence բնակելի համալիրը նշեց «Տանիքի տոնը»․ դիտեք ABNews.am կայքում
Մեծ Բրիտանիայի ՀՆԱ-ն չորրորդ եռամսյակում անսպասելիորեն աճել է 0.1%-ով
Շրի Լանկայում 22 մլն բնակչություն կապիկի պատճառով մնացել է առանց էլեկտրականության
Հարկային նոր արտոնություն. ովքեր կարող են օգտվել եկամտային հարկի վերադարձից․ մանրամասները՝ ABNews.am կայքում
Էլեկտրական մեքենաների համաշխարհային վաճառքը հունվարին աճել է 18%-ով
2024-ի նոյեմբերի դրությամբ Հայաստանյան 70,088 կազմակերպությունում գրանցված է 786,970 աշխատակից
Ռուսական շուկան ակտիվանում է․ ինչ են քննարկել Պուտինն ու Թրամփը․ մանրամասները՝ ABNews.am կայքում
2025-ի հունվարին Վրաստանի արտաքին առևտրաշրջանառությունը տարեկան կտրվածքով աճել է 39.2%-ով
Մեկ օրում բացահայտվել է հանցագործության 134 դեպք. գրանցվել է 9 ավտովթար, վիրավորվել է 13 մարդ
2024 թվականին արձանագրվել է 13,000 ապօրինի ծառահատման դեպք. ԲԸՏՄ
ԱՄԷ-ն կճանաչի հայկական վարորդական վկայականները
Վերջին 2 տարում մետրոպոլիտենի արդիականացման համար կատարվել է 6,3 մլրդ դրամի ներդրում
Էլեկտրոնային տոմսերի միասնական ավտոմատացված համակարգն արդեն ներդրված է 26 թանգարանում

Սպառողական գների ինդեքսը Հայաստանում 2024 թվականի հունվար-մարտին. ամբողջական վիճակագրություն

Ապր 3, 2024 17:05
59
ADS

Վիճակագրական կոմիտեն հրապարակել է Հայաստանի Հանրապետությունում 2024 թվականի հունվար-մարտին սպառողական գների ինդեքսը: 

Հայաստանի Հանրապետության սպառողական շուկայում 12-ամսյա գնանկումը (2024թ. մարտը 2023թ. մարտի նկատմամբ) կազմել է 1.2%, իսկ նախորդ ամսվա նկատմամբ՝ 0.2%: 

Հանրապետության դիտարկվող բնակավայրերում 2024թ. մարտին փետրվարի համեմատ սպառողական գները նվազել են 0.5-0.1%-ով, այդ թվում, համեմատաբար բարձր գնանկում արձանագրվել է ք. Վանաձորում: Մայրաքաղաքում սպառողական գները նվազել են 0.2%-ով: 

Սննդամթերքի գներ. 2024թ. մարտին 2023թ. մարտի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 5.6%, իսկ 2024թ. փետրվարի համեմատ՝ 0.3% գնանկում: Հանրապետության դիտարկվող բնակավայրերում 2024թ. մարտին փետրվարի համեմատ սննդամթերքի և ոչ ալկոհոլային խմիչքի գները նվազել են 0.9-0.1%-ով, այդ թվում, գնանկման ամենաբարձր ցուցանիշն արձանագրվել է ք. Վանաձորում: Մայրաքաղաքում սննդամթերքի և ոչ ալկոհոլային խմիչքի գները նվազել են 0.2%-ով:

2024թ. մարտին 2023թ. մարտի համեմատ հանրապետությունում արձանագրվել է հնդկաձավարի՝ 21.4%, ոլոռի՝ 13.2%, մակարոնեղենի՝ 13.1%, հաճարի՝ 7.5%, ձավարի՝ 7.1%, բլղուրի՝ 6.2%, բրնձի՝ 3.0%, իսկ 2024թ. փետրվարի համեմատ՝ համապատասխանաբար 1.7%, 1.5%, 2.9%, 0.1%, 1.7%, 0.3%, 1.0% գնանկում: Պանրի գինը 2024թ. մարտին 2023թ. մարտի համեմատ նվազել է 8.1%-ով, թռչնամսինը՝ 3.3%-ով, տավարի մսինը՝ 1.7%-ով, իսկ 2024թ. փետրվարի համեմատ՝ 1.0%, 1.3% և 0.7%-ով: 2024թ. մարտին 2023թ. մարտի համեմատ խոզի մսի գինն աճել է 0.3%-ով, թարմ կաթինը՝ 1.0%-ով, իսկ 2024թ. փետրվարի համեմատ գրանցվել է 3.7% և 0.3% գնանկում: Արևածաղկի բուսական յուղի գինը 2024թ. մարտին 2023թ. մարտի համեմատ նվազել է 23.6%-ով, իսկ 2024թ. փետրվարի համեմատ՝ 1.6%-ով: Ձվի գինը 2024թ. մարտին 2023թ. մարտի համեմատ աճել է 3.5%-ով, իսկ 2024թ. փետրվարի համեմատ գրանցվել է 5.5% գնանկում: 2024թ. մարտին 2023թ. մարտի համեմատ կակաոյի գինը նվազել է 4.2%-ով, հրուշակեղենինը՝ 1.8%-ով, թեյինը՝ 1.0%-ով, իսկ 2024թ. փետրվարի համեմատ՝ 0.2%, 0.1%, 0.2%-ով: Շաքարի և շաքարավազի ապրանքախմբում 2024թ. մարտին 2023թ. մարտի համեմատ արձանագրվել է 4.6%, իսկ 2024թ. փետրվարի համեմատ՝ 0.9% գնանկում: Միաժամանակ, 2024թ. մարտին 2023թ. մարտի համեմատ հանրապետությունում գրանցվել է մարգարինի՝ 22.3%, ալյուրի՝ 14.3%, ոսպի՝ 10.1%, «Իշխան» ձկնատեսակի՝ 7.7%, կարագի՝ 7.0%, հացի՝ 5.3%, շոկոլադի՝ 5.0%, լոբու՝ 3.0% գնանկում, իսկ 2024թ. փետրվարի համեմատ՝ համապատասխանաբար 0.4%, 0.8%, 1.3%, 0.4%, 0.1%, 0.7%, 0.9%, 0.2% գնաճ: 2024թ. մարտին 2023թ. մարտի համեմատ գառան մսի գինը մնացել է անփոփոխ, իսկ 2024թ. փետրվարի համեմատ արձանագրվել է 1.4% գնաճ: Սուրճի գինը 2024թ. մարտին 2023թ. մարտի համեմատ աճել է 1.8%-ով, ալկոհոլային խմիչքինը՝ 7.1%-ով, ծխախոտային արտադրատեսակներինը՝ 8.2%-ով, իսկ 2024թ. փետրվարի համեմատ՝ համապատասխանաբար 0.6%, 0.8% և 0.1%-ով: Բանջարեղենի ապրանքախմբում 2024թ. մարտին 2023թ. մարտի համեմատ հանրապետությունում արձանագրվել է 13.8% գնանկում, իսկ 2024թ. փետրվարի համեմատ՝ 1.2% գնաճ:

Հանրապետության դիտարկվող 9 բնակավայրերում 2024թ. մարտին փետրվարի համեմատ ոչ պարենային ապրանքների գները նվազել են 0.8-0.3%-ով, իսկ 2-ում պահպանվել է գների նախորդ ամսվա մակարդակը: Մայրաքաղաքում ոչ պարենային ապրանքների գները նվազել են 0.8%-ով: 

2024թ. մարտին փետրվարի համեմատ հանրապետությունում արձանագրվել է բենզինի և դիզելային վառելիքի՝ 0.4% և 0.6% գնանկում: 2024թ. մարտին 2023թ. մարտի համեմատ հանրապետությունում գրանցվել է բենզինի՝ 35.8% և դիզելային վառելիքի՝2.1% գնաճ, իսկ 2023թ. դեկտեմբերի համեմատ բենզինի և դիզելային վառելիքի գները նվազել են համապատասխանաբար 6.6% և 4.3%-ով: 

2024թ. մարտին 2023թ. մարտի համեմատ հանրապետությունում արձանագրվել է հեղուկ ածխաջրածինների (բութան, պրոպան և այլն) 9.1% գնաճ, իսկ 2024թ. փետրվարի համեմատ՝ 34.5% գնանկում: 

Ծառայությունների սակագներ. Բնակչությանը մատուցված ծառայությունների ոլորտում 2024թ. մարտին 2023թ. մարտի համեմատ սակագներն աճել են 2.5%-ով, իսկ 2024թ. փետրվարի համեմատ սակագների մակարդակը մնացել է անփոփոխ: 

Հանրապետության դիտարկվող 6 բնակավայրերում 2024թ. մարտին փետրվարի համեմատ բնակչությանը մատուցված ծառայությունների սակագները նվազել են 0.2-0.1%-ով, մեկում արձանագրվել է 0.6% հավելաճ, իսկ 4-ում, այդ թվում և մայրաքաղաքում, սակագների մակարդակը նախորդ ամսվա համեմատ մնացել է անփոփոխ: 

Արտարժույթի շուկա. 2024թ. մարտին փետրվարի համեմատ սպառողական գները և ԱՄՆ դոլարի նկատմամբ հայկական դրամի հաշվարկային փոխարժեքը նվազել են 0.2% և 1.0%-ով (ՀՀ դրամն արժևորվել է): 2024թ. մարտին 2023թ. դեկտեմբերի համեմատ արձանագրվել է սպառողական գների 0.2% հավելաճ և ԱՄՆ դոլարի նկատմամբ հայկական դրամի հաշվարկային փոխարժեքի 1.0% նվազում: Նախորդ տարվա նույն ժամանակահատվածում հանրապետությունում գրանցվել է սպառողական գների 0.8% հավելաճ և ԱՄՆ դոլարի նկատմամբ հայկական դրամի հաշվարկային փոխարժեքի 1.5% նվազում: 2024թ. մարտին ԱՄՆ դոլարի նկատմամբ հայկական դրամի միջին հաշվարկային փոխարժեքը կազմել է 400.4 դրամ, ինչը 3.1%-ով գերազանցել է 2023թ. մարտի համապատասխան ցուցանիշը (388.4դրամ):

Ամբողջական հրապարակմանը կարող եք ծանոթանալ՝ այստեղ