Տնտեսական հարցերով եվրահանձնակատար Պաոլո Ջենտիլոնին ասել է, որ ԵՄ-ն ինը ամսից ամբողջությամբ էմբարգո կսահմանի ռուսական նավթի մատակարարումների վրա։ Այս մասին հայտնում է ՏԱՍՍ-ը։
ԵՄ-ն պատրաստվում է ուկրաինական ճգնաժամի պատճառով Ռուսաստանի դեմ պատժամիջոցների վեցերորդ փաթեթը ներմուծել։ Եվրահանձնաժողովի ղեկավար Ուրսուլա ֆոն դեր Լեյենն ավելի վաղ հավաստիացրել էր, որ «ամբողջական արգելք կսահմանվի ծովով և խողովակաշարերով ռուսական ամբողջ նավթի ներմուծման վրա ՝ հում և վերամշակված»։ «Մեր առաջարկն է ինն ամսից էմբարգո սահմանել նավթի վրա ՝ կախված նավթամթերքի տեսակներից», — ասել է Ջենտիլոնին։
Նա ասել է, որ ավելի վաղ սահմանված էմբարգոն կբարձրացնի նավթի համաշխարհային գները, ինչը հակասում է ԵՄ-ի նպատակներին։ «Այս որոշումը ազդեցություն կունենա եվրոպական տնտեսության վրա։ Բայց դա ավելի շատ կհարվածի ռուսականին»,- եզրափակել է եվրահանձնակատարը։ Մայիսի 3-ին եվրոպական դիվանագիտության ղեկավար Ժոզեպ Բորելը հայտարարեց Ռուսաստանի Դաշնության դեմ պատժամիջոցների վեցերորդ փաթեթի մասին։ Նա նշել է, որ ռուսական ավելի շատ բանկեր կկտրվեն SWIFT-ից և հավելել, որ ԵՄ-ն «փնտրում է միջոցներ, որոնք կազդեն ռուսական նավթի ներկրման վրա»: Ինչպես գրում է The Wall Street Journal-ը, որպես պատժամիջոցների վեցերորդ փաթեթի մաս, Եվրամիությունն առաջարկում է փուլային ՝ վեց ամսվա ընթացքում, էմբարգո մտցնել ռուսական նավթի ներկրման վրա։ Ինչպես նշում է WSJ-ը, ԵՄ-ն ակնկալում է, որ Ռուսաստանի Դաշնությունից նավթամթերքի ամբողջական էմբարգոն կգործի մինչև 2022 թվականի վերջը։
Միևնույն ժամանակ, Հունգարիան և Սլովակիան, երկու երկրները, որոնք մեծապես կախված են խողովակաշարերի նավթի մատակարարումից, իրավունք կունենան հրաժարվել ռուսական ներմուծումից 20 ամսվա ընթացքում։Հունգարիայում ավելի վաղ հայտարարել էին, որ չեն աջակցի ռուսական էներգակիրների դեմ պատժամիջոցներին։
