Համաշխարհային ինդեքսներ Երեկ ամերիկյան շուկայում առևտրական գործունեություն չի կատարվել՝ աշխատավորների օրվա կապակցությամբ։ S&P 500-ի ֆյուչերսը երեքշաբթի կորցրել է 0.14%։ Ճապոնական Nikkei 225-ը նվազել է 0.26%-ով՝ հասնելով 38,766 կետի։ Կորեական KOSPI-ն կրճատվել է 0.49%-ով՝ հասնելով 2,667.98 կետի, իսկ չինական Shanghai Composite-ը նվազել է 0.31%-ով՝ հասնելով 2,802.44 կետի: Մակրոէկոնոմիկա 1. Չինաստանի արտադրության ոլորտի բիզնես ակտիվության ինդեքսը (PMI) օգոստոսի արդյունքներով կազմել է 50.4 կետ, ինչը 1.2%-ով ավելի է ամսական հաշվարկով: 2. Եվրագոտու արդյունաբերական հատվածի բիզնես ակտիվության ինդեքսը օգոստոսին կազմել է 45.8 կետ՝ 0.4%-ով ավելի՝ նախորդ ամսվա համեմատ: Ապրանքային շուկաներ Ոսկու գինը նվազել է և ներկայումս կազմում է $2,495.7 մեկ ունցիայի համար։ Նավթի գնանշումները երկուշաբթի օրը աճել են։ Brent նավթը գտնվում է $77.3 մեկ բարելի համար, իսկ WTI-ն՝ մոտ $74.0: Կորպորատիվ իրադարձություններ/ միջոցառումներ 1. Չինական էլեկտրամոբիլների արտադրողները ավելացրել են մատակարարումները օգոստոսին։ Nio-ն մատակարարել է 20,176 մեքենա (+4% տարեկան հաշվարկով), Li Auto-ն՝ 48,122 մեքենա (+38% տարեկան հաշվարկով), XPeng-ը՝ 14,036 մեքենա (+1% տարեկան հաշվարկով), իսկ BYD-ի մատակարարումները օգոստոսին աճել են 35%-ով՝ հասնելով 370,084 մեքենայի: 2. Կիսահաղորդիչների արտադրող Marvell-ի եռամսյակային հասույթը, որը ավարտվել է օգոստոսի 3-ին, կազմել է $1.3 միլիարդ (-5% տարեկան հաշվարկով), սակայն ընկերության զուտ շահույթը նվազել է մինչև $193 միլիոն: Դատա կենտրոնների բաժնի հասույթը կրկնապատկվել է և հասել $881 միլիոնի: Ընկերությունը կանխատեսում է, որ հաջորդ եռամսյակի հասույթը կլինի $1.45 միլիարդ: 3. X5 Retail Group N.V.-ն պլանավորում է իր GDR-ների դելիստինգը Լոնդոնի ֆոնդային բորսայից։ Դելիստինգը նախատեսվում է, որ ուժի մեջ կմտնի ոչ շուտ քան 2024-ի հոկտեմբերի 1-ից։ Ընկերությունը նաև ակնկալում է, որ իր GDR-ների ցուցակումը կդադարեցվի Մոսկվայի բորսայում: Cube Invest