Վարձու աշխատողները կարող են ստանալ եկամտային հարկի գումարների վերադարձ ոչ միայն հիփոթեքային վարկի համար, այլև ուսման վարձավճարի փոխհատուցման նպատակով:
Տնտեսագետ Սուրեն Պարսյանը իր գրառման մեջ ընդգծել է, որ այս հնարավորությունը նախատեսված է ՀՀ կառավարության 2020 թվականի հուլիսի 3-ի № 1125-Ն որոշմամբ հաստատված «Վարձու աշխատող հանդիսացող ֆիզիկական անձանց ուսման վարձավճարի փոխհատուցման նպատակով եկամտային հարկի գումարների վերադարձման» կարգում:
Այս կարգի համաձայն՝ ուսանողները, ովքեր ցանկանում են օգտվել եկամտահարկի վերադարձից ուսման վարձավճարի փոխհատուցման համար, պետք է համապատասխան դիմումները ներկայացնեն իրենց բարձրագույն ուսումնական հաստատությանը հաջորդ կուրս տեղափոխվելու կամ ուսումնական հաստատությունն ավարտելու տարվա սեպտեմբերի 1-ից 15-ը կամ մարտի 1-ից 15-ը:
Դուք կարող եք ծանոթանալ ուսման վարձավճարի փոխհատուցման նպատակով եկամտային հարկի գումարների վերադարձի կարգին և անհրաժեշտ փաստաթղթերի ցանկին՝ հետևելով կից հղմանը:
Մեկնաբանություն