TikTok-ը խստացնում է քաղաքականությունը՝ ապահովելու դեռահասների պաշտպանությունն ու անվտանգությունը
TikTok-ը ներկայացրել է մի շարք նոր միջոցառումներ, որոնք ուղղված են դեռահասների պաշտպանությանն ու հարթակում անվտանգության մակարդակի բարձրացմանը։ Ըստ The Guardian-ի, փոփոխություններն ուղղված են հիմնականում մինչև 18 տարեկան օգտատերերի և նրանց ինքնագնահատականի վրա ազդեցությունը նվազեցնելու խնդիրներին։
TikTok-ը որոշել է կարգել 18 տարեկանից ցածր օգտատերերի համար կիրառել այնպիսի ֆիլտրեր, որոնք արմատապես փոխում են դեմքի դիմագծերը։ Խոսքը հատկապես «համարձակ գլամուր» տիպի էֆեկտների մասին է, որոնք թվայնորեն փոխում են դեմքի ձևը՝ մեծացնելով շուրթերը, ձգելով հոնքերը, կամ ավելացնելով դիմահարդարում։
Այս նորամուծության հիմնական նպատակը երեխաների և դեռահասների հոգեկան առողջության պաշտպանությունն է։ TikTok-ը նշում է, որ նման ֆիլտրերը կարող են բացասաբար ազդել երեխաների ինքնագնահատականի վրա՝ ստեղծելով ոչ իրական պատկերացում գեղեցկության մասին։
Որոնք են փոփոխություններից դուրս մնացած ֆիլտրերը? Այլ ֆիլտրերը, որոնք զվարճալի էֆեկտներ են ավելացնում՝ օրինակ, նապաստակի ականջներ կամ շան քիթ, շարունակելու են հասանելի լինել բոլոր օգտատերերին՝ անկախ տարիքից։
TikTok-ը խստացնում է պայքարը մինչև 13 տարեկան օգտատերերի կեղծ հաշիվների դեմ։ Ընկերությունը նախատեսում է նոր ավտոմատացված համակարգերի ներդրում, որոնք արհեստական բանականության միջոցով կհայտնաբերեն տարիքային սահմանափակումների խախտումները։
TikTok-ի տվյալներով, եռամսյակային կտրվածքով հարթակից հեռացվում է մոտ 20 միլիոն հաշիվ, որոնք պատկանում են մինչև 13 տարեկան երեխաներին։ Սակայն ընկերությունը խոստովանում է, որ երբեմն սխալմամբ արգելափակում է նաև չափահաս օգտատերերին։ Նման դեպքերում օգտատերերին խորհուրդ է տրվում կապ հաստատել աջակցության ծառայության հետ՝ հաշիվների վերականգնման համար։
TikTok-ի նորարարությունները կգործարկվեն մինչև 2024-ի ավարտը, իսկ ընկերությունը վստահեցնում է, որ աշխատում է այնպես, որպեսզի նոր գործիքները լինեն ինչպես արդյունավետ, այնպես էլ հնարավորինս ճշգրիտ։
***
Այս միջոցառումները դարձել են TikTok-ի պատասխանն այն մտահոգություններին, որ սոցիալական մեդիան կարող է բացասաբար ազդել երիտասարդների հոգեբանության վրա։ Ընկերությունը փորձում է հավասարակշռել զվարճանքի և հոգեկան առողջության պահպանման միջև, ինչը կարևոր քայլ է պատասխանատու թվային միջավայր ստեղծելու ուղղությամբ։
JavaScript seems to be disabled in your browser. You must have JavaScript enabled in your browser to utilize the functionality of this website.
