Business Tour Gastrocamp Armenia նախագիծը իրականացնում է համայնքային զարգացմանը միտված գաստրո-միջոցառումներ, ներգրավելով ոլորտի համայնքային և միջազգային մասնագետներին: Նախագծի հիմնադիրներ՝ Աննա Մազմանյանը եւ Արայիկ Ամզայանը 2014-2024թթ իրականացրել են տասնյակ հնչեղ և արդյունավետ իրադարձային ծրագրեր Կոտայքի, Տավուշի մարզերում և Երևանում: 2024-2025 թթ Gastrocamp Armenia նախագիծը անցկացվելու է Սյունիքում: Նախատեսվում է իրականացնել միջոցառումների շարք, որը կեզրափակվի Gastrocamp Կապան 5-օրյա ծրագրով: Ամիսներ շարունակ Սյունիքը կդառնա ռեստորանային բիզնեսի և համեղ խոհանոցի կենտրոն, ներգրավելով այցելուներ Հայաստանից և արտերկրից, հանրահռչակելով Կապանի բիզնես ներուժը: Business tour GastroCamp Կապան նախագծի երկրորդ միջոցառումը՝ Business tour-ը մեկնարկել է: Սյունիքի մարզի HoReCa ոլորտի մենեջմենթի և շեֆ-խոհարարների բիզնես այցով Երևան են եկել վերապատրաստման և նոր գործընկերային կապերի հաստատման նպատակով: Այցը նպատակ ունի նոր համագործակցություններ ձևավորել Սյունիքի մարզի խոշոր քաղաքների և Երևանի HoReCa ոլորտի գործարարների միջև: Բիզնես այցի շրջանակներում տնտեսվարողները` սեփականատեր, մենեջեր, շեֆ-խոհարար, այցելելու են հայտնի ռեստորաններ, ուսումնասիրելու են իրենց գործընկերների փորձը, ծանոթանալու են մատակարարների հետ, հաստատելու են գործնական կապեր և ունենալու են գործնական բիզնես-ընթրիքներ: https://youtu.be/Yz7Yky7Y5Hs Բիզնես այցը ավարտվելու է փակ ընթրիքով, որի շրջանակներում հրավիրյալ շեֆ-խոհարար Աննա Ելովիկովան և Pi Hospitality ընկերությունների բրենդ շեֆ Արտակ Մանուկյանը պատրաստելու են 4hands ձևաչափով ընթրիք հատուկ նախագծի մասնակիցների համար: Նախագծի հիմնադիրներ՝ Աննա Մազմանյան՝ ավելի քան 20 տարվա փորձ ունեցող փորձագետ ռազմավարական մենեջմենթում, կորպորատիվ կառավարման և խորհրդատվության ոլորտներում։ Նա աշխատել է այնպիսի միջազգային առաջատար կազմակերպություններում, ինչպիսիք են Ernst&Young-ը և Ռուսաստանի Անկախ տնօրենների ասոցիացիան։ Աննան մի շարք հաջողակ գաստրոնոմիական նախագծերի հիմնադիր է և նշանակալից PR և մարքեթինգային արշավների հեղինակ, ներառյալ 2017 թվականի «Գինու օրեր» առաջին փառատոնը։ Որպես ՀՀ շրջակա միջավայրի նախարարի տեղակալ՝ գլխավորել է երկրի պատվիրակությունը COP 26 կլիմայական գագաթնաժողովում, ղեկավարել է տասնյակ միջազգային ծրագրեր և պատասխանատու է եղել բնության հատուկ պահպանվող տարածքների կառավարման համար։ GastroCamp Armenia-ի համահիմնադիր Արայիկ Ամզայան՝ շուրջ 10 տարվա պրոֆեսիոնալ փորձ խոհարարության ոլորտում: Մասնակցել և մրցանակների է արժանացել այնպիսի միջազգային գաստրոնախագծերում ինչպիսիք են ՝ Cuisine Taste of Culture, UNWTO Silk Road, Young Chefs, Olympiad World Skills International: Հանդիսանում է GastroCamp Armenia, Yerevan Food Fest, Culinary project (Central Kitchen Armenia) նախագծերի բրենդ-շեֆ և համահիմնադիր: