Ռուս-ուկրաինական ճգնաժամի խորացման պայմաններում չեզոքություն պահելը գնալով ավելի ու ավելի բարդ է դառնում: Եթե Մոսկվայի համար այդ չեզոքությունը միանգամայն ընդունելի է, Կիևում իրենց միջազգային գործընկերներից ակնկալում են ավելին:
Վերջին օրերին Իսրայելի և Ռուսաստանի միջև ամենալուրջ սկանդալն առաջացրել էր Ուկրաինայում Ռուսաստանի գործողության համատեքստում Լավրովի հայտարարությունը Հիտլերի՝ հրեական արմատներ ունենալու մասին: Այս դիվանագիտական սկանդալը հարթվեց միայն Ռուսաստանի նախագահի կողմից Լավրովի խոսքերի համար ներողություն խնդրելուց հետո:
Երկկողմ հարաբերությունները փչացնելն այսօր ձեռնտու չէ ո՛չ Մոսկվային, ո՛չ Թել-Ավիվին: Ռուսաստանի համար այսօր Արևմուտքի կողմից իրականացվող իր միջազգային մեկուսացման քաղաքականության պայմաններում կարևոր է թույլ չտալ որոշակի չեզոքություն կամ ոչ կոշտ դիրքորոշում ընդունած երկրների քաղաքական գծի փոփոխություն, իսկ Թել-Ավիվի համար Ռուսաստանի հետ համագործակցությունն ունի անվտանգային նշանակություն:
