Evocabank-ը միացել է «Քեզ համար, Հայաստան» հեռուստամարաթոնին՝ նվիրաբերելով 20 միլիոն դրամ։
Նոյեմբերի 28-ին «Հայաստան» համահայկական հիմնադրամը կանցկացնի իր ամենամյա դրամահավաքը՝ «Քեզ համար, Հայաստան» խորագրով 27-րդ հեռուստամարաթոնը, որը միավորելու է աշխարհասփյուռ հայերի ջանքերը Հայաստանի հզորացման և զարգացման ուղղությամբ։
Միջոցառման ողջ հասույթը կուղղվի մի շարք ռազմավարական ծրագրերի իրականացմանը՝
- սահմանային համայնքների խմելու և ոռոգման ջրի համակարգերի վերակառուցմանն ու կառուցմանը,
- համայնքային բժշկական նոր կենտրոնների կառուցմանը,
- սահմանային համայնքներում գտնվող դպրոցներում, մանկապարտեզներում, համայնքային կենտրոններում արևային կայանների տեղադրմանը,
- սահմանային համայնքների սոցիալապես անապահով ընտանիքների տներում արևային ջրատաքացուցիչների տեղադրմանը,
- բռնի տեղահանված արցախցի կանանց բիզնես կարողությունների հզորացմանը,
- մշակութային՝ հատկապես հայ արվեստագետների ստեղծարար նախաձեռնությունների և ամենամյա միջազգային մշակութային փառատոնների ու ցուցահանդեսների աջակցությանը։
Իր կորպորատիվ սոցիալական պատասխանատվության շրջանակում շարունակաբար աջակցություն ցուցաբերելով տարբեր հասարակական նախաձեռնություններին՝ Evocabank-ը նվիրաբերել է 20 միլիոն դրամ «Հայաստան» hամահայկական հիմնադրամին։
Նշենք նաև, որ 2022 թվականին նույնպես «Մենք ստեղծում ենք կենսունակ համայնքներ» հեռուստամարաթոնի շրջանակում Evocabank-ը փոխանցել է 10 միլիոն դրամ «Հայաստան» համահայկական հիմնադրամին:
Մանրամասներն այստեղ։
