Ներդրումային ոլորտն այսօր 26.04.2024 Համաշխարհային ինդեքսներ 2024 թվականի առաջին եռամսյակում ԱՄՆ-ի տնտեսական ցածր գնահատակի հետ կապված ամերիկյան ինդեքսները երեկ նվազեցին՝ Dow Jones Industrial Average-ը նվազել է 0,98%-ով հասնելով 38085,8 կետի։ S&P 500-ը նվազել է 0,46%-ով հասնելով 5048,42 կետի։ S&P 500 ինդեքսի ֆյուչերսները այսօր վերականգնվում են 0,22 -ով։ Ճապոնական Nikkei 225-ը աճում է 0,84%-ով հասնելով 379430,50 կետի, կորեական KOSPI-ն աճում է 1,05% մինչև 2655,48 կետի, չինական Shanghai Composite-ը աճում է 1,12%-ով հասնելով 3086 կետից բարձր:  Մակրոէկոնոմիկա 1․ Գործազրկության նպաստի նախնական դիմումների թիվը ակնկալվածից ավելի լավ է ստացվել և կազմել է 207 հազար։ 2․ ԱՄՆ-ում ՀՆԱ-ի եռամսակային դինամիկան սպասվածից ավելի վատ է։ 2024 թվականի առաջին եռամսյակի գնահատումը տարեկան կտրվածքով կազմել է 1,6%, սպասված 2,5%-ի փոխարեն։ 3. Թուրքիայի Կենտրոնական բանկը, ինչպես և սպասվում էր, որոշել է հիմնական տոկոսադրույքը պահել տարեկան 50% մակարդակում։ Հանքարդյունաբերական շուկաներ Ոսկին աճում է 0,30%-ով և մեկ ունիցայի դիմաց վաճառվում $2339-ով։ Արդյունքների համաձայն նավթային գնանշումները բարձրացել են։ Այժմ Brent ապրանքանիշի նավթի գինը մեկ բարելի դիմաց գտվում է $89,5-ից բարձր, WTI-ի գինը մեկ բարելի դիմաց $84-ից մի փոքր բարձր է։ Կորպորատիվ իրադարձություններ/ միջոցառումներ 1․ Աշխարհի խոշորագույն հանրային առևտրով զբաղվող հանքարդյունաբերական՝ BHP Group ընկերությունը գնման առաջարկ է արել իր մրցակից՝ Anglo American ընկերությանը, գնահատելով նրան $38,8 մլդ։ Եթե ընկերությունները համաձայնության գան, գործարքի արդյունքում կստեղծվի աշխարհի ամենամեծ պղնձի արդյունաբերողը։ Այս ֆոնին հանքարդյունաբերության ոլորտում հնարավոր է ընկերությունների միաձուլումների աճ։ Ավստրալական BHP Group-ն առաջարկում է BHP-ի 0,7097 բաժնետոմսեր Anglo American-ի մեկ բաժնետոմսի դիմաց։ Այդպիսով Anglo American-ի մեկ բաժնետոմսը գնահատվում է $31,4՝ ներառյալ 31% հավելավճար։ Cube Invest