Եվրոպան ձախողեց ձմեռային էներգախնայողության իր առաջին թեստը եվրոպացիների պատճառով, ովքեր հրաժարվեցին գազ խնայել: Այս մասին հայտարարել է Bloomberg-ի վերլուծաբան Խավիեր Բլասը։
«Եթե Եվրոպան դպրոցական լիներ, ապա անցած շաբաթ կհանձներ էներգախնայողության իր առաջին քննությունը: Նա ձախողվեց: Եվ դա լավ բան չի հուշում հունվարին սպասվող շատ ավելի կոշտ փորձությունների համար», — ասաց Բլասը:
Նրա խոսքով, Եվրոպայի բնակչության կողմից գազի պահանջարկը սեզոնային է:Միևնույն ժամանակ ոչ ոք չգիտեր, թե ինչպես կարձագանքեն բնակիչները խնայելու կոչին։ Սակայն առաջին սառնամանիքները ցույց տվեցին, որ մարդիկ պատրաստ չեն նվազեցնել էներգիայի սպառումը։ Օրինակ ՝ Գերմանիայում վերջին աշնանային ցրտերի ժամանակ բնակիչներն ավելացրել են գազի սպառումը 14,5%-ով ՝ ավելի բարձր, քան վերջին հինգ տարվա միջին ցուցանիշը։
Վերլուծաբանը հավելել է նաև, որ գազի մեծ պահանջարկը պետք է ազդանշան լինի քաղաքական գործիչների համար, ովքեր պետք է բնակչությանը կոնկրետ օրինակներով ցույց տան, թե ինչ է պետք անել էներգիան խնայելու համար։ Միևնույն ժամանակ, քաղաքական գործիչները պետք է առաջարկեն խնայողության բոլոր հնարավոր տարբերակները և դրանք բաշխեն մինչև ցուրտ եղանակի սկիզբը, որը կարող է սկսվել առաջիկա շաբաթներին։ Սեպտեմբերի 28-ին Financial Times-ը գրել էր, որ եվրոպացիները սովորում են ապրել նոր իրողություններում ՝ առանց ռուսական գազի ՝ նվազեցնելով իրենց տներում ջերմաստիճանը ՝ գումար խնայելու համար։
Մեկնաբանություն