Google-ը շուտով կսկսի ցուցադրել վերիֆիկացիայի կապույտ ստուգանիշներ: Դա թույլ կտա օգտատերերին ավելի հեշտ ճանաչել խաբեբաներին,- գրում է fintech-ը։ Հաշիվների ստուգումը հիմնված է գոյություն ունեցող Gmail Brand Indicators for Message Identification (BIMI) գործառույթի վրա։ Այն ընկերություններից պահանջում է հաստատել ապրանքանիշի և դոմենային անվան օգտագործման իրավունքները։ Ընկերությունները, որոնք արդեն իրականացրել են BIMI-ն, ավտոմատ կերպով կստանան վերիֆիկացիայի ստուգանշան: Երբ մկնիկը պահեք կապույտ ստուգանիշի վրա, կհայտնվի պատուհան, որը կտեղեկացնի ձեզ, որ ուղարկողը հաստատել է տիրույթի և պրոֆիլի նկարի սեփականությունը: Google-ը կարծում է, որ կապույտ ստուգանիշերը կօգնեն ինչպես օգտվողներին, այնպես էլ անվտանգության համակարգերին հայտնաբերել սպամ-նամակները և խաբեբաներին, ինչպես նաև թույլ կտան ուղարկողներին «օգտագործել իրենց ապրանքանիշի վստահությունը»: