Անցած տարեվերջին իսպանական էներգետիկ ընկերությունները Ռուսաստանից ռեկորդային ծավալներով դիզվառելիք են գնել վերջին տասը տարվա ընթացքում։ Խոսքը 851 հազար տոննա դիզելային վառելիքի ներկրման մասին է, ինչը 2011 թվականից ի վեր ամենաբարձր ցուցանիշն էր, հայտնում է տեղական El Confidencial թերթը ՝ վկայակոչելով Ռազմավարական նավթային պաշարների կորպորացիայի վերլուծաբանների վիճակագրությունը։ «Իսպանական ընկերությունները 2022 թվականին Ռուսաստանից գնել են 851 հազար տոննա դիզել, ինչը 2011 թվականից ի վեր ամենամեծ ցուցանիշն է։ Այսպիսով, անցյալ տարի Ռուսաստանն այս վառելիքի առաքումներով Իսպանիա զբաղեցրել է երկրորդ տեղը Իտալիայից հետո։Միաժամանակ, անցած տարվա արդյունքներով Իսպանիան զգալիորեն նվազեցրեց իր կախվածությունը ռուսական նավթի մատակարարումներից։ 12 ամսվա ընթացքում երկիրը կրճատել է այս ցուցանիշը 73 տոկոսով՝ 2021 թվականի նույն ժամանակահատվածի տվյալների համեմատ։ Միևնույն ժամանակ, Իսպանիան կարող է նաև կրճատել ռուսական դիզելային վառելիքի ներկրումը 2023 թվականին։ Դա պայմանավորված է նրանով, որ այս տարվա փետրվարի 5-ից ուժի մեջ է մտել Եվրամիության (ԵՄ) էմբարգոն Ռուսաստանի Դաշնությունից ծովով փոխադրվող նավթամթերքի մատակարարման վրա։ Միաժամանակ, ընթացիկ ամսվա 5-ից սկսեց գործել նաեւ ռուսական նավթամթերքի, այդ թվում ՝ դիզվառելիքի սահմանային գների մեխանիզմը։ Տարբեր տեսակների համար եվրոպական իշխանությունները սահմանել են երկու «առաստաղ» ՝ 100 դոլար մեկ բարելի դիմաց նավթամթերքների համար, որոնք վաճառվում են ավելի թանկ, քան հում նավթը, և 45 դոլար ՝ զեղչով վաճառվողների համար, օրինակ ՝ նաֆթայի և մազութի համար։