Pink Floyd-ը վաճառել է իր երաժշտական ժառանգությունը Բրիտանական ռոք խումբ Pink Floyd-ը համաձայնել է վաճառել իր լայնածավալ երաժշտական կատալոգի իրավունքները Sony երաժշտական լեյբլին մոտ $400 միլիոնով: Այս մասին հայտնում է Financial Times-ը՝ հղում կատարելով այս հարցին ծանոթ երկու աղբյուրների։ Գործարքը ներառում է Pink Floyd-ի երաժշտական ձայնագրությունները, խմբի անվանումը և «նմանությունը» արտիստների, ավելացրել է զրուցակիցներից մեկը, ինչը նշանակում է, որ լեյբլը կունենա իրավունքներ ապրանքների և կից արտադրանքների վրա՝ ֆիլմեր և հեռուստասերիալներ: Գործարքը ձգձգվել է երկու տարի խմբի անդամների միջև տարաձայնությունների պատճառով, որոնք կապված էին հարկային կառուցվածքի հետ, ինչպես նաև Ռոջեր Ուոթերսի հակասական մեկնաբանությունների պատճառով: Ուոթերսը և իր գործընկեր Դեյվիդ Գիլմորը թշնամական հարաբերություններ ունեն արդեն ավելի քան չորս տասնամյակ, ինչը նախկինում սպառնում էր խմբի եկամուտներ ստանալու հնարավորությանը: 2024 թվականին Sony-ն նաև ձեռք բերեց բրիտանական ռոք խումբ Queen-ի իրավունքների մի մասը մոտ $1 միլիարդով։ Pink Floyd խումբը հիմնադրվել է 1965 թվականին՝ Ռիչարդ Ռայթի, Ռոջեր Ուոթերսի, Նիկ Մեյսոնի և Սիդ Բարետի կողմից: 1968 թվականին Բարետին փոխարինեց Դեյվիդ Գիլմորը: 1994 թվականին խումբը ժամանակավորապես լուծարվեց, սակայն կրկին վերամիավորվեց: Խմբի վերջնական բաժանումը հայտարարվեց 2015 թվականին: