Մակրոտնտեսական զարգացումները և շուկայական տենդենցները դեկտեմբերի 19-ի դրությամբ

1. Շուկայի տենդենցներ  Համաշխարհային ինդեքսներ • Dow Jones` -2,58% (42326,87) • S&P 500`-2,95% (5872,16) • S&P 500 ֆյուչերս` + 0,03% • Nikkei 225` - 0,85% (38798) • KOSPI` -1,82% (2439,17) • Shanghai Composite` -0,18% (3376,24) Ապրանքային շուկաներ • Ոսկի`$2608/ ունցիա • Brent նավթ`$73,1/ բարել • WTI նավթ՝ մոտ $70,2բարել 2. Մակրոտնտեսություն  Մեծ Բրիտանիայում 2024 թվականի նոյեմբերին գնաճի տեմպերն արագացել են՝ կազմելով 2,6% տարեկան կտրվածքով։ Եվրագոտում սպառողական գների աճի տեմպերն արագացել են և նոյեմբերին կազմել 2,2% տարեկան։ Միաժամանակ, ամսական արտահայտությամբ գրանցվել է 0,3% դեֆլյացիա։ ԱՄՆ Դաշնային պահուստային համակարգը (Federal Reserve) իջեցրել է հիմնական տոկոսադրույքը 25 բազիսային կետով, հասցնելով այն 4,25-4,5% տարեկան մակարդակի՝ ինչպես կանխատեսել էին շուկայի մասնակիցները։ 3. Mastercard Inc.-ը, որը համարվում է աշխարհում խոշորագույն վճարային համակարգերից մեկը, հրապարակել է, որ քառորդային դիվիդենտները 15%-ով բարձրացվել են՝ հասնելով 76 ցենտ/ բաժնետոմսի՝ նախորդ 66 ցենտի փոխարեն։ Վճարումները կկատարվեն 2025 թվականի փետրվարի 7-ին։ Ավելին, Mastercard-ի տնօրենների խորհուրդը հաստատել է մինչև 12 միլիարդ դոլարի A կարգի բաժնետոմսերի հետգնման նոր ծրագիր։ 4. Հոնդա Մոթոր (Honda Motor) և Նիսսան Մոթոր (Nissan Motor) ճապոնական ավտոարտադրողները քննարկում են միավորման կամ այլ համագործակցության հնարավորությունը, սակայն վերջնական որոշում դեռ չի կայացվել։ Հոնդան իր պաշտոնական կայքում նշել է, որ դիտարկում է համագործակցության տարբերակներ Նիսսանի և Միցուբիշի Մոթորսի (Mitsubishi Motors) հետ, որտեղ Նիսսանն ունի մոտ 25% բաժնեմաս։ Նախնական գնահատականներով, այս 3 բրենդները միասին կարող են տարեկան արտադրել մինչև 8 միլիոն ավտոմեքենա։ Միավորման դեպքում համաշխարհային ավտոարդյունաբերությունում կձևավորվի հսկա ընկերություն, որի ակտիվները կհասնեն 52 միլիարդ դոլարի։ Cube Invest