Բրիտանական 30 տարեկան պետական պարտատոմսերի եկամտաբերությունը հասել է 1998թ.-ի մայիսից ի վեր ամենաբարձր մակարդակին՝ 5.649%-ի, ինչը պայմանավորված է Թրամփի մաքսային քաղաքականության ֆոնին արժեթղթերի մասսայական վաճառքներով։ Թրամփի կողմից շատ երկրներից ներմուծման տարիֆների ժամկետի՝ 90 օրով հետաձգման մասին հայտարարությունից հետո չորեքշաբթի օրը S&P 500 ֆոնդային ինդեքսը գրանցել է 2-րդ ամենամեծ, իսկ Nasdaq-ը՝ ամենամեծ մեկօրյա աճը 2008թ.-ից ի վեր։ Մեկ օրում Dow Jones-ն աճել է 7.87%-ով, S&P 500-ը՝ 9.52%-ով, Nasdaq-ը՝ 12.16%-ով։ Նախորդ նստաշրջանում գրանցած աճից հետո ամերիկյան ֆոնդային ինդեքսները հինգշաբթի օրը կրկին նվազեցին՝ կապված Վաշինգտոն-Պեկին առևտրային հարաբերությունների վերաբերյալ ոչ լավատեսական սպասումներով։ Dow Jones-ը նվազել է 2.5%-ով, S&P 500-ը՝ 3.46%-ով, Nasdaq-ը՝ 4.31%-ով։ ԱՄՆ սպառողների տրամադրության ինդեքսն ապրիլին կտրուկ նվազել է, իսկ 12-ամսա գնաճի սպասվող ցուցանիշը հասել է 1981 թվականից ի վեր առավելագույն մակարդակին։ Brent տեսակի նավթի ֆյուչերսների գինը Լոնդոնի ֆոնդային բորսայում 2021թ.-ի մարտից ի վեր առաջին անգամ նվազել է 61 դոլարից։ Goldman Suchs-ի վերլուծաբանների կանխատեսմամբ 2025թ.-ի վերջին նավթի գինը 1 բարելի դիմաց կհասնի 58 դոլարի, իսկ հաջորդ տարվա վերջին՝ 55 դոլարի։   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: