Ֆինանսների նախարար Տիգրան Խաչատրյանը աշխատանքային այցով Իրանում է: Հայկական պատվիրակությունը հանդիպել է, Իրանի նախագահի տեղակալի, Իրանի ֆինանսների և տնտեսական հարցերի նախարարի և բարձրաստիճան մի քանի այլ պաշտոնյաների հետ:
Հայկական եվ իրանական կողմերը կարևոր են համարել հարևան երկրների միջև տնտեսական մի քանի առաջնահերթություն, մասնավորապես՝ տարեկան 3 միլիարդ դոլարի առևտրի իրականացումը, ապրանքների փոխանակման ծավալը 5 միլիոն տոննայի հասցնելը, նաև ֆինանսական, բանկային և առևտրային և մաքսային հարաբերությունների պարզեցումն ու զարգացումը:
Անդրադառնալով երկու երկրների միջև տնտեսական փոխանակման ծավալի արձանագրված 25 տոկոս աճին, նախարարը ընդգծել է, որ այս տարի երկու երկրների միջև փոխանակման ծավալի աճը կկազմի ավելի քան 40 տոկոս։
Իրանական կողմն էլ հույս է հայտնել, որ երկու երկրների միջև 3 միլիարդ դոլարի առևտուր իրականացնելու նպատակը, որն արծարծվել է Իրանի նախագահի և Հայաստանի վարչապետի հանդիպման ժամանակ, իրականացվելու է հենց այս կառավարության օրոք։
JavaScript seems to be disabled in your browser. You must have JavaScript enabled in your browser to utilize the functionality of this website.
