![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2024/06/ABNSPHOTO-61.png)
Արդեն օգոստոսին հայ հաճախորդները վերջապես կկարողանան ձեռք բերել Zeekr ապրանքանիշի պրեմիում դասի ավտոմեքենաները միակ պաշտոնական
ներկայացուցչից՝ ստանալով մինչև 8 տարի կամ 160,000 կմ վազքի պաշտոնական գործարանային երաշխիք։ «Ավտոգրուպ» ընկերությունների խմբի անդամ «Մուրան» ընկերությունը այսուհետ հանդիսանում է ZEEKR ապրանքանիշի միակ պաշտոնական ներկայացուցիչը Հայաստանում։ Համագործակցության հուշագիրը դեռ ապրիլին կնքվեց Պեկինում։
Հայկական և Չինական կողմերի համաձայնությամբ արդեն օգոատոաից հայ հաճախորդին հասանելի կլինեն Zeekr-ի մոդելային շարքի բոլոր ավտոմեքենաները՝ 001,
007, 009, և X երաշխիքային հատուկ պայմաններով։ Zeekr-ն այսօր հանդիսանում է Չինաստանի խոշորագույն ավտոարտադրող ընկերություններից մեկի՝ GEELY Հոլդինգի ընտանիքի անդամ և ներկայացնում է այդ խմբի պրեմիում դասը՝ իր մեջ ներառելով հարմարավետության, հուսալիության, շքեղության, անգերազանցելի դիզայնի ու ոճի բոլոր հատկանիշները։
Geely Հոլդինգի կազմում 2021 թվականին հիմնադրված Zeekr ապրանքանիշի մոդելային շարքն արդեն հասցրել է սիրվել Եվրոպացի հաճախորդների կողմից։ Հայաստանում Մուրան ընկերությունը, շարունակելով Geely-ի հետ արդեն իսկ հաջողված համագործակցությունը, պաշտոնապես ներկայացնելով արդեն նաև ZEEKR ապրանքանիշը, հայ հաճախորդներին ընձեռում է լայն հնարավորություններ՝ ավելի մոտեցնելով պրեմիում դասին․
Պաշտոնական ներկայացուցչի խոսքով հաճելի անակնկալները բազմաթիվ են լինելու։ Այդ թվում՝ շուկայում աննախադեպ, մինչև 8 տարի կամ 160000 կմ վազքի երաշխիքի տրամադրումն ու հաճախորդների հավատարմության (loyalty program) բազմաթիվ գայթակղիչ ծրագրերը։ Հայ հաճախորդին սպասարկելու են վերապատրաստված պրոֆեսիոնալ մասնագետներ, ընկերության ներկայացուցչի խոսքով էլ պահեստամասերի և աքսեսուարների խնդիր պրակտիկորեն չի առաջանա։ Ծրագրային թարմացումները միշտ հասանելի կլինեն պաշտոնական ներկայացուցչից գնած ZEEKR-ի բոլոր մոդելների համար։
Մեկնաբանություն