ԱՄՆ Պետքարտուղարությունը հրապարակել է 2024 թվականի B կարգի VISA (զբոսաշրջային վիզա) տրամադրելու մերժումների ցուցակը, որտեղ նշված են երկրները և տվյալներ՝ մերժման մակարդակի մասին։ Հրապարակման համաձայն՝ Հայաստանի քաղաքացիների համար մերժումների թիվն ավելացել է՝ հասնելով 59.46%-ի, մինչդեռ 2023 թվականին այս ցուցանիշը 51,49% էր։
ԱՊՀ երկրների վիճակը
ԱՊՀ երկրների շարքում վիզաների մերժման վիճակը հիմնականում վատթարացել է։
- Ղազախստան – Մերժումների մակարդակը 46,29% է (2023-ին՝ 41,93%):
- Ուզբեկստան – Մերժումների մակարդակը 64,61% է (2023-ին՝ 59,56%):
- Տաջիկստան – Նվազել է՝ 54,96%-ից հասնելով 45,24%-ի:
- Բելառուս – Նվազել է՝ 32,8%-ից 28,79%-ի:
Ռուսաստանի և տարածաշրջանային երկրների ցուցանիշները
- Ռուսաստան – Մերժման մակարդակը գրեթե անփոփոխ է՝ 38,56% (2023-ին՝ 39,49%):
- Ադրբեջան – Մերժումների մակարդակը 21,46% է:
- Վրաստան – Մերժումների մակարդակը 41,44% է:
- Թուրքիա – Մերժումների մակարդակը 19,78% է:
- Իրան – Մերժումների մակարդակը 55,54% է:
Աշխարհի մյուս երկրներ
Ամենաբարձր մերժումների ցուցանիշը գրանցվել է Սոմալիի քաղաքացիների համար՝ 77%: Միաժամանակ, ամենացածր մերժումների մակարդակն արձանագրվել է ԱՄԷ-ի (1,46%), Կիպրոսի (2,16%) և Ռումինիայի (2,61%) քաղաքացիների համար։
Այս թվերը վկայում են, որ 2024 թվականին վիզաների մերժման մակարդակը շարունակում է տարբեր լինել՝ կախված երկրներից և տարածաշրջաններից, արտացոլելով միգրացիոն քաղաքականության տեղային առանձնահատկությունները։
Աղբյուր՝ factor.am
