5 օրում 480 799 քայլ է արել Իդրամ ընկերության աշխատակից Լևոնը, որ Իդրամն այդ քայլերը փողի վերածի ու փոխանցի MetaGait նախագծին: «Քայլիր, որ քայլեն» նախաձեռնության երրորդ փուլի մրցույթին Իդրամի` մեկ տասնյակից ավելի աշխատակից է մասնակցել: 5 օրում այնքան են քայլել, որ գրեթե երկու միլիոն դրամ է կազմել ընդհանուր հասույթը:
«Քայլիր, որ քայլեն» մրցույթը «Տեր եմ» հիմնադրամի MetaGait նախագծի շրջանակում է իրականացվում: Հարյուրավոր թիմեր են մրցում միմյանց հետ: Քայլորդների հետևում հովանովորներ են կանգնած, որնոք էլ քայլերը փողի են վերածում: Իսկ նվիրաբերությունը ուղղվում է MetaGait սարքերի ստեղծմանը. աշխարհում առաջին հեռավար վերականգնողական սարքն է, որն օգնում է հաշմանդամություն ունեցող զինվորներին և մանկական ուղեղային կաթված ունեցող փոքրիկներին նորից ոտքի կանգնել: Իդրամն այս նախաձեռնությանը առաջինը միացող կազմակերպություններից մեկն է եղել:
Մեկնաբանություն