Տաքսիներում մինչև հունիսի 30-ը առցանց համակարգով դուրս է գրվել 91 մլրդ դրամի ՀԴՄ կտրոն. Նիկոլ Փաշինյան
Apple-ի iPhone-ի վաճառքը Չինաստանում 2025-ի երկրորդ եռամսյակում աճել է 8%-ով՝ պայմանավորված գների անկմամբ և iPhone 16-ի պահանջարկով
2025թ․-ի հունվար-մայիսին Հայաստանում սիգարետի արտադրությունը աճել է 54,2%-ով
ՀՀ-ում շինարարության ծավալը 5 ամսվա ընթացքում աճել է 17.1%-ով՝ հասնելով 165.5 մլրդ դրամի
«Սևան»» ազգային պարկ» ՊՈԱԿ-ին կվերադարձվի 15 հազար քմ մակերեսով հողամասը
2025թ․-ի հունվար-մայիսին Հայաստանում պղնձի խտանյութի արտադրությունը նվազել է 20.2%-ով
Շառլ Ազնավուրի արձանի բացումը տեղի կունենա հուլիսի 18-ին
SpaceX-ը բաժնետոմսերի վաճառքի արդյունքում գնահատվում է 400 միլիարդ դոլար
Անշարժ գույքը վարձակալության տալը կարող է բերել խնդիրների, եթե չկատարեք այս 3 քայլը․ մանրամասները՝ ABNews.am կայքում
2025թ․-ի հունվար-մայիսին Հայաստանում ցեմենտի արտադրությունը նվազել է 18․7%-ով
Ռուսաստանը Ուկրաինայի ուղղությամբ կիրառել է ռեկորդային՝ 728 ԱԹՍ
Ինչ կլինի, եթե առանց լիցենզիայի կրիպտո վաճառեք Հայաստանում․ նոր օրենքն ուժի մեջ է մտել․ մանրամասները՝ ABNews.am կայքում
Հուլիսի 4-ից ուժի մեջ է մտել «Կրիպտոակտիվների մասին» օրենքը
ԵԱՏՄ-ում էլեկտրոնային ծխախոտները կհսկեն նավիգացիոն կնիքների միջոցով
ԱՄՆ-ը նախատեսում է մինչև տարեվերջ մաքսատուրքերից ավելի քան 300 միլիարդ դոլարի եկամուտ հավաքել. Սքոթ Բեսենթ
12 եվրոպական քաղաքներում շոգից մահացել է մոտ 2300 մարդ
2025թ. հունվար-մայիսին Հայաստանում կոնյակի արտադրությունը կրճատվել է 29.8%-ով
Շիրակի մարզում հուլիսի 1-ի դրությամբ սեփական եկամուտները կատարվել են 89,3%-ով
Հայաստանի կրթական համակարգը կանգնած է լուրջ մարտահրավերի առաջ․ինչ է փոխվել մեկ տարում․ մանրամասները՝ ABNews.am կայքում
Հայաստանի պետական ​​​​ընդհանուր պարտքը 2025 թ.-ի մայիսին գերազանցել է 13,7 միլիարդ դոլարը

EIB Global-ը և Evocabank-ը ստորագրեցին համագործակցության պայմանագիր

Օգս 1, 2024 18:28
56

EIB Global-ը և Evocabank-ը միավորում են իրենց ուժերը՝ 12 միլիոն եվրո վարկային միջոցներով նպաստելու փոքր բիզնեսի զարգացմանը։

  • Շուրջ 100 փոքր ձեռնարկություն կօգտվի ծրագրից, ապահովելով մոտ 1,200 աշխատատեղ,
  • Գործընկերությունը կնպաստի ներառական տնտեսական աճին, վարկային միջոցների 20% կտրամադրվի կանանց պատկանող բիզնեսներին,
  • ԵՄ-ի դրամաշնորհի ֆինանսավորմամբ ծրագիրը կիրականացվի տեղական արժույթով:

Եվրոպական Ներդրումային Բանկի (ԵՆԲ) մաս կազմող EIB Global-ն առաջին անգամ միավորում է իր միջոցները հայկական Evocabank-ի հետ՝ բարելավելու Հայաստանում մանր, փոքր և միջին ձեռնարկությունների (ՄՓՄՁ) համար ֆինանսական միջոցների հասանելիությունը: EIB Global-ն Evocabank-ին կտրամադրի 12 միլիոն եվրո վարկային միջոցներ:

ԵՆԲ-ի վարկային միջոցները հնարավորություն կտան Evocabank-ին Հայաստանում ընդլայնելու ձեռնարկությունների ֆինանսավորումը` նպաստելով բիզնեսի գործունեության ծավալների մեծացմանը, ստեղծելով նոր աշխատատեղեր և իրացման նոր հնարավորություններ: Սա կխթանի ներառական տնտեսական աճը, քանի որ վարկային միջոցների 20% հատկացվելու է կանանց պատկանող ձեռնարկություններին: Ակնկալվում է, որ մոտավորապես 100 ՄՓՄՁ կօգտվի ծրագրից՝ ապահովելով մոտ 1,200 աշխատատեղ:

Ֆինանսական միջոցները տրամադրվելու են տեղական արժույթով՝ ՀՀ դրամով, ՄՓՄՁ-ներին արտարժութային ռիսկերից զերծ պահելու համար: Եվրոպական Միությունը (ԵՄ) դրամաշնորհի միջոցով օժանդակում է ֆինանսավորման ընդլայնմանը, ինչը թույլ կտա վարկերի համար մատչելի տոկոսադրույք սահմանել:

Դրամաշնորհը Հարավային Կովկասում EIB Global-ի նախաձեռնության մի մասն է, որը կխթանի  մրցակցությունը բանկային հատվածում, կբարելավի փոքր բիզնեսին հասանելի ֆինանսական միջոցների որակը և ծավալները: Ծրագիրը նաև կնպաստի ԵՄ-ի նպատակների իրագործմանը՝ Արևելյան գործընկերության Տնտեսական և Ներդրումային ծրագրի շրջանակներում օժանդակելով Հայաստանի Հանրապետությունում 30,000 ՄՓՄՁ-ների զարգացմանը:

«Այս համագործակցությունը հիմնված է Եվրոպական թիմի հանձնառության վրա՝ Հայաստանում ամրապնդելու փոքր բիզնեսի մրցունակությունը և ստեղծելու բավարար աշխատատեղեր», — ասաց ԵՆԲ-ի գործունեության համար պատասխանատու և ԵՆԲ-ի փոխնախագահը Թերեզա Չերվինսկան: 

«Evocabank-ի հետ գործակցության շնորհիվ ԵՆԲ-ի վարկային այս միջոցները կնպաստեն կայուն և ներառական տնտեսության մեջ ՄՓՄՁ-ների բաժնի մեծացմանը՝ տրամադրելով մատչելի տոկոսադրույքով վարկեր տեղական արժույթով: Համաձայնագիրը կնպաստի ֆինանսական միջոցների մատչելության բարձրացմանը, Հայաստանում ֆինանսական ծառայություններից օգտվելու ցածր հնարավորություններ ունեցող ՄՓՄՁ-ների ֆինանսական ներուժի զարգացմանը»:

«Մենք հաստատակամ ենք վստահեցնելու բանկերին, որ վարկի պայմանները, ԵՄ դրամաշնորհով ամրապնդված տեղական արժույթի արժեվորմամբ, կլինեն շատ գրավիչ: ՀՆՀ դրամաշնորհի վերջնականացման հետ մեկտեղ, այս նախաձեռնությունը կլրացնի ԵՆԲ-ի սեփական ռիսկային գործողությունները՝ բարձրացնելով ֆինանսական մատչելիությունը և աջակցությունը տեղական բիզնեսներին», — ասել է Հայաստանում ԵՄ պատվիրակության գործերի ժամանակավոր հավատարմատար Յան Պլեշինգերը:»

Evocabank-ի Վարչության նախագահ Կարեն Եղիազարյանը նշեց. «Մենք շատ ուրախ ենք համագործակցել EIB Global-ի հետ այս նախաձեռնության շրջանակներում, որն ուղղված է Հայաստանում  ՄՓՄՁ հատվածի զարգացմանը:

12 միլիոն եվրո վարկային միջոցները նոր փուլ են տեղական բիզնեսներին մատչելի ֆինանսավորում ապահովելու մեր առաքելության մեջ: Այս վարկային միջոցները հնարավորություն կտան ձեռներեցներին ընդլայնելու իրենց գործունեությունը, ստեղծելու աշխատատեղեր և գտնելու իրացման նոր հնարավորություններ: Այս ֆինանսավորման կարևորագույն կողմը նաև այն է, որ միջոցների 20%-ը տրամադրվելու է կանանց պատկանող բիզնեսներին, ինչը կնպաստի ներառական տնտեսության աճին:

Շնորհիվ ԵՄ-ի դրամաշնորհի՝ այս ֆինանսական միջոցները կտրամադրվեն տեղական արժույթով` դրամով, բացառելով արտարժույթի տատանումների ռիսկը ՄՓՄՁ-ների համար և նպաստելով ֆինանսական կայունությանը: Մեզ ոգեշնչում են այս համագործակցության հեռանկարները, որոնք հնարավոր կդարձնեն մեր տնտեսության հետագա զարգացումը և կապահովեն մեր շարունակական օժանդակությունը Հայաստանի գործարար համայնքին»:

ԵՆԲ-ի և EIB Global-ի մասին

ԵՆԲ-ն Եվրոպական Միության երկարաժամկետ ֆինանսավորման հաստատությունն է, որը պատկանում է անդամ-պետություններին: Այն տրամադրում է երկարաժամկետ ֆինանսավորում հուսալի ներդրումների համար՝ աջակցելով ԵՄ քաղաքականության նպատակներին չորս առաջնահերթ ոլորտներում՝ ենթակառուցվածքներ, նորարարություն, կլիմա և շրջակա միջավայր, ՓՄՁ-ներ։

EIB Global-ը Եվրոպական Ներդրումային Բանկի մասնագիտացված ստորաբաժանում է, որի նպատակն է զարգացնել միջազգային գործակցությունները և զարգացման ֆինանսավորման ազդեցությունը, նպաստելով Եվրոպական Միության երեք համակողմանի առաջնահերթությունների իրագործմանը. Եվրոպական Կանաչ գործարք, Գլոբալ Գեյթվեյս և աշխատատեղեր, ինչպես նաև կայուն և ներառական տնտեսության աճ:

Team Europe-ի կազմում EIB Global-ը խթանում է ուժեղ, նպատակաուղղված գործընկերությունների զարգացմանը՝ ֆինանսական այլ հաստատությունների և քաղաքացիական հասարակության հետ միասին՝ սերտորեն աշխատելով բազմակողմ զարգացման այլ բանկերի հետ։ EIB Global-ն ավելի մոտ է դարձնում ԵՆԲ խումբը տվյալ երկրի մարդկանց, ընկերությունների և հաստատությունների համար ամբողջ աշխարհում գործող գրասենյակների միջոցով՝ ներառյալ Հարավային Կովկասի տարածաշրջանային ներկայացուցչությունը, որը գործում է նաև Հայաստանում։

Evocabank-ի մասին

Հիմնադրվելով 1990թ.՝ Evocabank-ը Հայաստանում գրանցված առաջին առևտրային բանկն է, որն ավելի քան 34 տարվա փորձառութուն ունի բանկային համակարգում: Բանկի գլխամասը Երևանում է, իսկ 13 մասնաճյուղերը՝ Երևանում և մարզերում:

Evocabank-ը համակողմանի ֆինանսական ծառայություններ է  մատուցում ֆիզիկական անձանց, ՄՓՄՁ-ներին և խոշոր ընկերություններին: Բանկը ֆինանսական ծառայությունների մատուցումն իրականացնում է տեղեկատվական նորագույն տեխնոլոգիաների ակտիվ կիրառմամբ՝ արագ, պարզ և հարմար եղականով՝ աշխատելով mobile-first ֆորմատով:

Կենտրոնանալով նորարարական թվային մոտեցումների վրա՝ Evocabank-ն ամենաարագ զարգացող բանկերից մեկն է Հայաստանում: Բանկը արժանացել է մի շարք միջազգային մրցանակների, այդ թվում՝ Global Finance հեղինակավոր ամսագրի կողմից «Հայաստանի ՓՄՁ լավագույն բանկ» և «Հայաստանի լավագույն թվային բանկ» մրցանակների: