Ռուբլին և դոլարը աճել են, եվրոն և ոսկու գինը՝ նվազել. ՀՀ ԿԲ, 25/06/24
Ռուսաստանում կարգելափակվեն ԵՄ 25 երկրի լրատվամիջոցների կայքեր և այլ մեդիա ռեսուրսներ
C360՝ բանկային ընդգրկուն ծառայությունների փաթեթներ Converse Mobile-ում
Չինական տիեզերանավն առաջին անգամ հող է բերել Լուսնի հակառակ կողմից
2024թ․ մայիսին 2023թ․ մայիսի համեմատությամբ ներմուծման ծավալն աճել է 17.2%-ով
2024թ․ մայիսին 2023թ․ մայիսի համեմատությամբ արտահանման ծավալն աճել է 57.4%-ով
2024թ․ մայիսին 2023թ․ մայիսի համեմատությամբ շինարարության ծավալն աճել է 18.1%-ով
2024թ․ մայիսին 2023թ․ մայիսի համեմատությամբ առևտրի շրջանառությունն աճել է 17.6%-ով
2024թ․ մայիսին 2023թ․ մայիսի համեմատությամբ ծառայությունների ծավալն աճել է 2.8%-ով
2024թ․ մայիսին 2023թ․ մայիսի համեմատությամբ արդյունաբերության թողարկման ծավալն աճել է 6.9%-ով
2024թ․ մայիսին 2023թ․ մայիսի համեմատությամբ տնտեսական ակտիվության ցուցանիշը կազմել է 5.2%-ով
2024թ․ հունվար-մայիսը 2023թ․ հունվար-մայիսի համեմատությամբ ներմուծման ծավալն աճել է 99.6%-ով
2024թ․ հունվար-մայիսը 2023թ․ հունվար-մայիսի համեմատությամբ արտահանման ծավալն աճել է 150%-ով
2024թ․ հունվար-մայիսը 2023թ․ հունվար-մայիսի համեմատությամբ շինարարության ծավալն աճել է 14.9%-ով
2024թ․ հունվար-մայիսը 2023թ․ հունվար-մայիսի համեմատությամբ առևտրի շրջանառությունն աճել է 24.6-ով
2024թ․ հունվար-մայիսը 2023թ․ հունվար-մայիսի համեմատությամբ ծառայությունների ծավալն աճել է 3.7%-ով
2024թ․ հունվար-մայիսը 2023թ․ հունվար-մայիսի համեմատությամբ արդյունաբերության թողարկման ծավալն աճել է 22.0%-ով
Երևանում տրանսպորտի միասնական տոմսային համակարգը կներդրվի 2025թ․–ի հունվարի 1–ից
Ջուլիան Ասանժն ազատ է արձակվել բրիտանական բանտից․ The Guardian
Հունիսի 26-ին և 27-ին հանրապետության ողջ տարածքում սպասվում է անձրև և ամպրոպ

Ինչպես ներկայացնել անշարժ գույքի վարձակալությունից հաշվարկված եկամտային հարկի հաշվարկ-հայտարարագիր. ՊԵԿ

Մյս 8, 2024 14:25
86
ADS

ՊԵԿ-ը հիշեցնում է ֆիզիկական անձանց, որ անշարժ գույքը վարձակալության հանձնելու դեպքում հաշվետու տարվա համար պետք է վճարել անշարժ գույքի վարձակալությունից հաշվարկված եկամտային հարկ (մանրամասներն՝ այստեղ) և ներկայացնել տարեկան հաշվարկ-հայտարարագիր։ Ի դեպ, 2023 թվականի համար եկամտային հարկի հաշվարկ-հայտարարագիր պետք է ներկայացնել հարկային գործակալ չհանդիսացողից ստացվող վարձակալական վճարների մասով։

Անշարժ գույքի վարձակալությունից հաշվարկված եկամտային հարկի հաշվարկ-հայտարարագիրը ևս ներկայացվում է էլեկտրոնային եղանակով՝ Ֆիզիկական անձանց էլեկտրոնային ծառայությունների միասնական համակարգի միջոցով, որն այժմ գործում է վեբ տարբերակով։ Հետագայում նախատեսվում է նաև բջջային հավելվածը։

Ինչպե՞ս մուտք գործել համակարգ

Ֆիզիկական անձանց էլեկտրոնային ծառայությունների միասնական համակարգից օգտվելու համար պետք է նախօրոք իրականացնել անձի նույնականացում, ձեռք բերել էլեկտրոնային ստորագրություն և մուտք գործել համակարգ՝ https://self-portal.taxservice.am/ հղումով։

Եթե անձը ՀՀ քաղաքացի է, ապա մուտքն իրականացվում է «Ես եմ» համակարգի միջոցով, իսկ օտարեկրյա քաղաքացիների դեպքում՝ բացառապես հարկ վճարողի հաշվառման համարով (ՀՎՀՀ) ու մուտքանուն-գաղտանաբառով։

Անհրաժեշտ է հիշել, որ օտարերկրյա քաղաքացիները համակարգի հասանելիությունը պետք է ստանան Պետական եկամուտների կոմիտեից՝ www.e-request.am հարթակի միջոցով, ապա մուտք գործեն համակարգ ՀՎՀՀ-ով և մուտքանուն-գաղտանաբառով։ Մանրամասներն` այստեղ։

Ինչպե՞ս լրացնել հաշվարկ-հայտարարագիրը

Եկամտային հարկի հաշվարկ-հայտարարագիր ներկայացնելու համար անհրաժեշտ է մուտք գործել «Հայտարարագրեր» բաժին, ապա ընտրել «Հաշվարկ (հայտարարագիր) եկամտային հարկի և սոցիալական վճարի» փաստաթղթի տեսակը։

Առաջին քայլով պետք է ընտրել հաշվարկ-հայտարարագիրը լրացնելու տարեթիվը, ապա հայտարարատու հանդիսանալու հիմքը։ Այն դեպքում, երբ քաղաքացին հայտարարատու չէ, բայց հաշվետու տարում ունեցել է վարձակալությամբ հանձնած անշարժ գույք՝ անհրաժեշտ է նշել «Չեմ հանդիսանում հայտարարատու» կետը։

Եկամտային հարկի հաշվարկ-հայտարարագիր ներկայացնելու դեպքում պարտադիր լրացման ենթակա է երրորդ բաժինը, որը վերաբերում է հարկային գործակալ չհանդիսացողներից ստացվող եկամուտներին։ Քաղաքացին տվյալ բաժնի «Վարձավճար» դաշտում պետք է լրացնի հաշվետու տարվա ընթացքում ստացած վարձավճարների հանրագումարը, իսկ եկամտային հարկը համակարգը կհաշվարկի ինքնաշխատ։

Հարկային տարվա ընթացքում ստացված, այդ թվում՝ հարկային գործակալներից ստացված վարձակալական վճարների հանրագումարը 60 մլն դրամը  գե­րազանցելու դեպքում հաշվարկ-հայտարարագրի երրորդ բաժնում՝ «Վարձավճարի 60 մլն դրամը գերազանցող գումար» դաշտում պետք է լրացնել վարձակալական վճարների հանրագումարի 60 մլն դրամը գերազանցող մասի գումարը, որի համար եկամտային հարկը ևս հաշվարկում է ինքնաշխատ:

Պահանջվող տվյալները լրացնելուց հետո անհրաժեշտ է սեղմել «Գրանցել» կոճակը և հինգերորդ բաժնի «Պետական բյուջե վճարման ենթակա եկամտային հարկ» դաշտում ինքնաշխատ կլրացվի վճարման ենթակա եկամտային հարկի գումարը։

Ինչպե՞ս ստորագրել և հանձնել հաշվարկ-հայտարարագիրը

Լրացված հաշվարկ-հայտարարագիրը պետք է ստորագրել էլեկտրոնային տարբերակով՝ ընտրելով ստորագրության տեսակը՝ նույնականացման քարտ, բջջային ստորագրություն կամ CoSign։ Օտարերկրյա քաղաքացիների համար հասանելի է էլեկտրոնային ստորագրության երկու տեսակ՝ CoSign և CoSign Non Resident տարբերակները։ Վերջին քայլով՝ ստորագրված փաստաթուղթն ուղարկելու համար անհրաժեշտ է սեղմել «Հանձնել ՊԵԿ» կոճակը։

Ի դեպ, հայտարարագրման գործընթացը հետագայում հեշտացնելու համար ֆիզիկական անձը կարող է տարվա ընթացքում ստացած իր եկամուտները նախօրոք լրացնել Ֆիզիկական անձանց էլեկտրոնային ծառայությունների միասնական համակարգի գլխավոր էջի «Եկամուտներ» բաժնում։ Համակարգից օգտվելու ընթացքում հարցեր ունենալու դեպքում քաղաքացիները կարող են դիմել առցանց օգնականին։

Մեկնաբանություն