Ռուսաստանի Բանկի (ԿԲ) ոսկեարժութային պահուստների կեսը սառեցվել է պատժամիջոցների պատճառով, «Ռոսիա-1» հեռուստաալիքի «Մոսկվա։ Կրեմլ։ Պուտին» ծրագրին տված հարցազրույցում հայտարարել է ՌԴ ֆինանսների նախարար Անտոն Սիլուանովը։
«Սա մեր ունեցած պահուստների մոտ կեսն է։ Մեր ընդհանուր պահուստների ծավալը $640 միլիարդ է, մոտ $300 միլիարդ պահուստներ այժմ այն վիճակում են, որ մենք չենք կարող դրանք օգտագործել»,- Սիլուանովի խոսքերն է մեջբերում ՏԱՍՍ գործակալությունը։
Նախարարը հավելել է, որ ռուսաստանյան ոսկեարժութային պահուստների մի մասը չինական արժույթով է։ Միաժամանակ, արեւմտյան երկրներն այժմ ճնշում են գործադրում Չինաստանի վրա, որպեսզի սահմանափակեն նրա հետ առեւտուրը։
«Բնականաբար, ճնշում է գործադրվում՝ սահմանափակելու հասանելիությունը դեպի այն պահուստները, որոնք տեղաբաշխված են յուանով: Կարծում եմ, Չինաստանի հետ մեր գործընկերային հարաբերությունները մեզ, այնուամենայնիվ, թույլ կտան պահպանել այն համագործակցությունը, որին մենք հասել ենք, եւ ոչ միայն պահպանել, այլեւ ավելացնել այն պայմաններում, երբ արեւմտյան շուկաները փակվում են»,- ասել է Սիլուանովը։
Նախարարության ղեկավարը հիշեցրել է, որ Ռուսաստանի նկատմամբ անբարյացակամ վերաբերմունք ունեցող երկրների պարտքերը վճարվելու են ռուբլով։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն