Թրամփը սպառնում է Իրանին․ ԱՄՆ առաջնորդի նոր զգուշացումը

Truth Social-ում կատարած գրառման մեջ Թրամփը նշել է, որ Իրանի համար ժամանակը սահմանափակ է։

ԱՄՆ նախագահ Դոնալդ Թրամփը հայտարարել է, որ Թեհրանը պետք է լրջորեն վերաբերվի հակամարտությունն ավարտելու վերաբերյալ Վաշինգտոնի առաջարկին, հակառակ դեպքում կբախվի ծանր հետևանքների։

Truth Social-ում կատարած գրառման մեջ Թրամփը նշել է, որ Իրանի համար ժամանակը սահմանափակ է։

«Նրանց համար լավ կլինի ժամ առաջ լրջանալ, քանի դեռ ուշ չէ, որովհետև հենց դա տեղի ունենա, հետդարձի ճանապարհ այլևս չի լինի, և դա տհաճ կլինի»,- գրել է նա։

ԱՄՆ նախագահը նաև պնդել է, որ Իրանը չունի հակամարտության ընթացքը իր օգտին շրջելու հնարավորություն։

«Նրանք մեզ աղերսում են գործարք կնքել, ինչն էլ հենց պետք է անեին, քանի որ նրանք ոչնչացված են»,- նշել է Թրամփը։

Թրամփի հայտարարությունը հնչում է ԱՄՆ-ի կողմից Իրանի հետ հակամարտությունը դադարեցնելու նպատակով առաջարկ ներկայացնելու ֆոնին։