Նախագահ Դոնալդ Թրամփը մտադիր է նոր մաքսատուրքեր սահմանել ԱՄՆ տասնյակ առևտրային գործընկերների նկատմամբ։ Նախատեսված է 10%-ից մինչև 12,5% չափով հարկեր սահմանել այն 60 առևտրային գործընկերներից կատարվող ներմուծման վրա, որոնց բաժին է ընկնում ամերիկյան ներմուծման 99%-ը։
«Միացյալ Նահանգներում արդեն գրեթե մեկ դար է, ինչ գործում է հարկադիր աշխատանքի միջոցով ստացված ապրանքների ներմուծման արգելքը, և այն խստորեն պահպանվում է. վաղուց ժամանակն է, որ մեր առևտրային գործընկերները հետևեն այս օրինակին»,- հայտարարել է ԱՄՆ առևտրային ներկայացուցիչ Ջեյմիսոն Գրիրը։
Նոր մաքսատուրքերն ուժի մեջ կմտնեն ուրբաթ օրը՝ ժամը 00:01-ին, ողջ աշխարհում գործող ժամանակավոր 10%-անոց մաքսատուրքերի ժամկետի լրանալուն զուգահեռ։ Թրամփը դիմել էր այդ ժամանակավոր մաքսատուրքերի կիրառմանն այն բանից հետո, երբ Գերագույն դատարանը փետրվարին չեղարկեց նրա ամենածավալուն ու համարձակ մաքսատուրքերը։
