Ֆինանսական շրջանակների ներկայացուցիչները նախազգուշացնում են ոչ միայն ռուսաստանցիների բարեկեցության երկարաժամկետ անկման, այլև սոցիալական ճգնաժամի առաջացման ռիսկի մասին: Ըստ պարբերականի՝ այս իրավիճակը կարող է քաղաքականապես վտանգավոր դառնալ Կրեմլի համար:
Որքան երկար է շարունակվում պատերազմը, այնքան ծանր են դրա հետևանքները Ռուսաստանի տնտեսության համար, և այնքան ավելի են սահմանափակվում իշխանությունների հնարավորությունները՝ ռազմական ծախսերը հետագայում ավելացնելու համար։
Էսկալացիայի սցենարը և ներքին քննադատությունը
Միաժամանակ, Bild-ի փոխանցմամբ, Վլադիմիր Պուտինը կարող է փորձել խաղադրույք կատարել նոր լայնածավալ էսկալացիայի և մոբիլիզացիայի վրա՝ ռազմական գործողությունների ընթացքը բեկելու նպատակով։
«Հնարավոր է՝ Պուտինը ամեն ինչ դնի էսկալացիայի վերջին ալիքի վրա՝ զանգվածային, վճռորոշ մոբիլիզացիայի, որը պետք է կոտրի Ուկրաինայի մարտական ոգին։ Սակայն նրա ֆինանսական շրջանակներից քննադատները հասկանում են, որ Ռուսաստանը պարզապես չի կարող իրեն թույլ տալ անվերջ ֆինանսավորել այս կործանարար պատերազմը», — գրում է The Times-ը։
