Իրանի և ԱՄՆ-ի միջև հակամարտության ավարտի շուրջ բանակցություններն այս պահին փակուղում են։ Այդպիսի կարծիք է հայտնել Եգիպտոսի ԱԳ նախարար Բադր Աբդել Աթին:
«Խնդիրը կա, և, ինչպես գիտեք, այս պահին ոչ խաղաղություն կա, ոչ պատերազմ»,- ասել է նա էմիրաթական The National թերթին տված հարցազրույցում։ Դիվանագիտական գերատեսչության ղեկավարն հավելել է, որ իրավիճակը փակուղային տեսք ունի։
Նախարարը նաև ընդգծել է, որ Եգիպտոսը շարունակում է կապեր պահպանել իրանական կողմի հետ և հանդես է գալիս հակամարտության շուտափույթ ավարտի օգտին՝ հիմնված այնպիսի համաձայնագրի վրա, որը կներառի կետեր միջուկային ծրագրի, ԱՄՆ-ի պատժամիջոցների վերացման, Հորմուզի նեղուցի բացման և հրադադարի մասին։
