Ինչ է կատարվել այսօր Հայաստանում և արտերկրում՝ դիտեք բոլոր կարեւոր, օգտակար եւ հետաքրքիր լուրերը` նոր մանրամասներով Armenian Business News-ի եթերում, տեսանյութերում եւ www.abnews.am կայքում

Սույն թվականի ապրիլի 14-ին Հրազդանի համայնքապետարանում «ԷկոՓակ Հայաստան» հիմնադրամը և Հրազդանի համայնքապետարանը  կնքել են փոխըմբռնման հուշագիր՝ հիմք դնելով Միկրոշրջան թաղամասի բնակիչների համար նախատեսված «Հրազդանում փաթեթավորման թափոնների կառավարման բարելավման» պիլոտային ծրագիրը:

Հուշագիրը ստորագրվել  է Հրազդան համայնքի ղեկավար Սևակ Միքայելյանի և «ԷկոՓակ Հայաստան Արտադրողների Պատասխանատվության» հիմնադրամի գործադիր տնօրեն Մհեր Սահակյանի կողմից:

Հուշագրով  սահմանվում է ՀՀ Կոտայքի մարզի Հրազդանի համայնքապետարանի և «ԷկոՓակ Հայաստան» հիմնադրամի միջև համագործակցության հիմնական շրջանակը:

Ծրագիրը ֆինանսավորվում է «Կոկա-Կոլա ՀԲՔ Արմենիա» ՓԲԸ-ի, «Երևանի կոնյակի գործարան» ՓԲԸ-ի, «Ջերմուկ Ինթերնեյշնլ Պեպսի-Կոլա Բոթլեր» ՍՊԸ-ի կողմից` ՀՀ-ում ԵՄ առաքելության հետ համագործակցելով և ուղղակի աջակցությամբ։

Հուշագրի համագործակցության ոլորտներն են Հրազդան համայնքի Միկրոշրջան թաղամասի բնակիչների շրջանում թափոնների տեսակավորման իրազեկման արշավի կազմակերպումը, Միկրոշրջան թաղամասում փաթեթավորման թափոնների տեսակավորման համար տեսակավորման աղբամանների տեղադրումը (մետաղ, պլաստիկ և թղթի փաթեթավորում), թափոնների հավաքումը, տեղափոխումը, տեսակավորումը և վերամշակման կազմակերպումը։

Հուշագրի ստորագրմանը ներկա էին  Հրազդան համայնքի ղեկավարի տեղակալ Վարուժան Սաֆարյանը, աշխատակազմի քարտուղար Ռոբերտ Դանիելյանը,  «Կոմունալ տնտեսություն, աղբահանություն և սանմաքրում» հիմնարկի տնօրեն Վաղարշակ Պողոսյանը, համայնքի ղեկավարի մամուլի քարտուղար Արամայիս Պողոսյանը և համայնքապետարանի աշխատակիցներ:

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Էլեկտրամոբիլների և հիբրիդ մեքենաների միջազգային շուկան շարունակում է աճի միտում ցուցաբերել։ Համաձայն «Rho Motion»-ի վերջին տվյալների՝ 2025 թվականի մարտին վաճառքի ծավալները նախորդ տարվա մարտի համեմատ աճել են 29 տոկոսով, իսկ փետրվարի համեմատ՝ աճը կազմել է 40 տոկոս։ Սա վկայում է, որ էլեկտրամոբիլների նկատմամբ պահանջարկը շարունակում է ուժեղ մնալ՝ չնայած աշխարհում առկա քաղաքական և տնտեսական անորոշություններին։

Վաճառքի գլոբալ տվյալներ

Մարտ ամսին ամբողջ աշխարհում վաճառվել է շուրջ 1.7 միլիոն էլեկտրամեքենա և հիբրիդ մեքենա, իսկ եռամսյակային կտրվածքով՝ արդեն 4 միլիոն օրինակ։ Վաճառքի առումով առաջատարը Չինաստանն է՝ 2.4 միլիոն օրինակով։ Եվրոպայում այս ցուցանիշը կազմել է 0.9 միլիոն, իսկ ԱՄՆ-ում՝ 0.5 միլիոն։

Եվրոպայում էլեկտրամոբիլների նկատմամբ հետաքրքրությունն աճում է

Եվրոպայում գնորդները հիմնականում նախընտրում են մաքուր էլեկտրական մեքենաներ՝ հիբրիդների համեմատ։ Ըստ «Rho Motion»-ի, 27 տոկոսը նախընտրում են էլեկտրամեքենաներ, մինչդեռ հիբրիդների համամասնությունը կազմում է ընդամենը 10 տոկոս։ Ամենաշատ վաճառք արձանագրվել է Իտալիայում, Գերմանիայում և Մեծ Բրիտանիայում։ Սակայն Ֆրանսիան առանձնանում է հակառակ միտումով՝ այստեղ վաճառքի ծավալները նվազել են։

ԱՄՆ-ում շուկայի կառուցվածքը դեռ կայուն է, բայց ռիսկեր կան

Միացյալ Նահանգներում էլեկտրամեքենաների շուկան ներկայումս ունի դրական ֆոն։ Վաճառվող մեքենաների 60 տոկոսը արտադրվում են ԱՄՆ-ում, իսկ մնացածը՝ ներմուծվում են հիմնականում Ճապոնիայից, Հարավային Կորեայից և Մեքսիկայից։ Սակայն սպառնալիք է հանդիսանում մաքսատուրքերի բարձրացումը, որը կարող է էլեկտրամեքենաների գները զգալիորեն բարձրացնել։

Չնայած ԱՄՆ-ի կողմից Չինաստանի նկատմամբ մաքսատուրքային սահմանափակումների, վերլուծաբանները նշում են, որ դա լուրջ ազդեցություն չի ունենա չինական ներքին շուկայի վրա։ Ավելի հավանական է, որ գների բարձրացում կարձանագրվի այն մեքենաների վրա, որոնք ԱՄՆ-ից արտահանվում են Չինաստան։

Ռուսական շուկայի անկում

Ռուսաստանում իրավիճակը կտրուկ տարբերվում է։ Արդեն ինը ամիս անընդմեջ էլեկտրամեքենաների վաճառքի ծավալները նվազում են։ 2025 թվականի առաջին եռամսյակում ՌԴ-ում վաճառվել է ընդամենը 1854 էլեկտրամեքենա, ինչը 69 տոկոսով նվազ է՝ համեմատած անցյալ տարվա նույն ժամանակահատվածի հետ։

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Ընդհանուր ակտիվներ՝ կայուն աճ

ՀՀ բանկային համակարգի հաշվեկշռային ընդհանուր ակտիվները 2025 թվականի փետրվարի դրությամբ կազմել են 10,830,445 մլն դրամ, ինչը 17% աճ է՝ նախորդ տարվա համադրելի ժամանակահատվածի համեմատ։ Սա վկայում է բանկերի ակտիվ գործունեության ընդլայնման և ընդհանուր ֆինանսական պոտենցիալի մեծացման մասին։

Պարտավորություններ՝ համաչափ աճ ակտիվներին

Բանկային համակարգի ընդհանուր պարտավորությունները կազմել են 9,069,371 մլն դրամ՝ 16% աճով 2024 թվականի համադրելի ցուցանիշի համեմատ։ Սա ենթադրում է, որ բանկերը շարունակել են ակտիվ ներգրավել ավանդներ և այլ պարտավորություններ՝ ապահովելով կայուն ֆինանսական հոսքեր։

Կապիտալ՝ նկատելի աճ

Հաշվեկշռային ընդհանուր կապիտալը կազմել է 1,761,074 մլն դրամ, ինչը 23% աճ է նախորդ տարվա համադրելի ցուցանիշի համեմատ։ Սա փաստում է բանկերի կապիտալիզացիայի բարձրացման և կայունության ամրապնդման մասին։

Չբաշխված շահույթ՝ խառն միտումներ

• Ընթացիկ ժամանակաշրջանի չբաշխված շահույթը կազմել է 39,232 մլն դրամ, ինչը 24%-ով պակաս է, քան 2024-ի համադրելի ցուցանիշը։ Այս անկումը կարող է պայմանավորված լինել նոր ներդրումային ռազմավարություններով կամ եկամուտների վերաառաջադրումով։

• Նախորդ ժամանակաշրջանի չբաշխված շահույթը կազմել է 495,994 մլն դրամ, ինչը 56% աճ է։ Սա ցույց է տալիս, որ բանկերը նախորդ ժամանակաշրջանում կուտակել են զգալի շահույթներ, որոնք պահպանվել են հաշվեկշռում։

Վարկային կազմակերպությունների ֆինանսական վիճակը

Ակտիվներ՝ չափավոր աճ

Վարկային կազմակերպությունների ակտիվները կազմել են 788,439 մլն դրամ, ինչը 10.1% աճ է՝ 2024 թվականի համադրելի ցուցանիշի համեմատ։ Թեև այս աճը փոքր է բանկային համակարգի ակտիվների աճի համեմատ, այն միևնույն է խոսում է զարգացման դրական միտման մասին։

Պարտավորություններ՝ համընթաց աճ

Պարտավորությունները կազմել են 368,902 մլն դրամ, ինչը 11.9% աճ է։ Սա ցույց է տալիս, որ վարկային կազմակերպություններն առավել ակտիվորեն են ներգրավվում ֆինանսական շուկաներում՝ հնարավոր է՝ պարտքեր կամ ավանդներ ներգրավելով։

Կապիտալ՝ չափավոր աճ

Վարկային կազմակերպությունների հաշվեկշռային կապիտալը կազմել է 419,537 մլն դրամ, որը աճել է 8.5%-ով։ Սա վկայում է կապիտալի աստիճանական կուտակման և կայուն զարգացման մասին։

Չբաշխված շահույթ՝ սուր տարբերություններ

• Ընթացիկ ժամանակաշրջանի չբաշխված շահույթը կազմել է 21,396 մլն դրամ, որը 310.5% աճ է, ինչը նշանավոր աճ է՝ պայմանավորված հնարավոր շահութաբեր ներդրումներով կամ օպերացիոն արդյունավետության բարձրացմամբ։

• Նախորդ ժամանակաշրջանի չբաշխված շահույթը կազմել է 120,031 մլն դրամ, ինչը 9.4% անկում է։ Այս ցուցանիշը կարող է վկայել եկամուտների նոր բաշխման քաղաքականության կամ շահույթի դուրսբերման մասին։

Ընդհանուր դիտարկումներ և հետևություններ

• Բանկային համակարգը ցուցադրում է աճի կայուն տեմպ՝ ակտիվների, պարտավորությունների և կապիտալի տեսանկյունից։ Չբաշխված շահույթի այս տարվա նվազումը կարելի է գնահատել որպես հնարավոր պլանավորված ֆինանսական քաղաքականություն։

• Վարկային կազմակերպությունները ցուցաբերում են որոշ չափով ավելի դանդաղ, բայց կայուն զարգացում։ Հատկանշական է ընթացիկ չբաշխված շահույթի շեշտակի աճը՝ ինչը վկայում է համակարգում արդյունավետության բարձրացման կամ եկամուտների զգալի ավելացման մասին։

Ներդրումային ընկերությունների ակտիվներն ու կապիտալը կտրուկ աճել են 2025-ին

ՀՀ Կենտրոնական բանկի հրապարակած տվյալների համաձայն՝ 2025թ. փետրվարին ներդրումային ընկերությունների հաշվեկշռային ընդհանուր ակտիվները հասել են 275,728.1 մլն դրամի՝ նախորդ տարվա համեմատ աճելով 29.4%-ով։ Ընդհանուր պարտավորությունները կազմել են 199,257 մլն դրամ՝ ցուցաբերելով 25.5%-ի աճ։

Նշանակալի աճ է գրանցվել նաև կապիտալի ուղղությամբ․ հաշվեկշռային ընդհանուր կապիտալը կազմել է 75,986.5 մլն դրամ՝ ավելանալով 40%-ով, իսկ կուտակված շահույթը հասել է 64,916 մլն դրամի՝ 49.1%-ի աճով՝ հաստատելով ոլորտի ֆինանսական կայունության ու շահութաբերության շարունակական աճը։

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Կոնվերս Բանկը հայտարարում է դոլարային պարտատոմսերի հերթական տեղաբաշխման մեկնարկի մասին: Թողարկված պարտատոմսերի ծրագրային ազդագիրը հաստատվել է ՀՀ կենտրոնական բանկի նախագահի՝ 09.04.2025թ. թիվ 1/113 Ա որոշմամբ:

Տեղաբաշխվող պարտատոմսերի ընդհանուր ծավալը 10մլն ԱՄՆ դոլար է, արժեկտրոնի եկամտաբերությունը՝ 5%, շրջանառման ժամկետը՝ 36 ամիս, իսկ արժեկտրոնի վճարման պարբերականությունը՝ կիսամյակային:

Պարտատոմսերը կտեղաբաշխվեն ինչպես Converse Mobile հարթակի, այնպես էլ Բանկի մասնաճյուղային ցանցի միջոցով: Գործընթացի ավարտից հետո դրանք ցուցակման կներկայացվեն Հայաստանի ֆոնդային բորսա:

Պարտատոմսերի Ծրագրային ազդագրի և Թողարկման վերջնական պայմաններին հնարավոր է ծանոթանալ այստեղ:

Այլ մանրամասներ՝ 010511211

Բանկը վերահսկվում է ՀՀ ԿԲ կողմից:

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Ինչ է տեղի ունեցել այսօր բիզնես աշխարհում՝ դիտեք բոլոր կարևոր, օգտակար և հետաքրքիր նորությունները՝ թարմ մանրամասներով Armenian Business News-ի եթերում, տեսանյութերում և www.abnews.am կայքում

Ինչ է կատարվել այսօր Հայաստանում և արտերկրում՝ դիտեք բոլոր կարեւոր, օգտակար եւ հետաքրքիր լուրերը` նոր մանրամասներով Armenian Business News-ի եթերում, տեսանյութերում եւ www.abnews.am կայքում

ԱՐԱՐԱՏԲԱՆԿ ԲԲ ընկերությունն ու Նիդերլանդների ձեռնարկատիրական զարգացման բանկը (FMO) հայտարարում են նոր՝ 25 մլն ԱՄՆ դոլարի վարկային պայմանագրի ստորագրման մասին, որով շարունակում և ընդլայնում են երկարամյա համագործակցությունը բիզնեսի ֆինանսավորման ոլորտում։

Նոր վարկային միջոցների 40%-ը կուղղվի կանաչ ծրագրերի, իսկ 60%-ը՝ սոցիալական անհավասարության կրճատմանն ուղղված ծրագրերի ֆինանսավորմանը։

ԱրարատԲանկի գործադիր տնօրեն Մհեր Անանյանը նշել է․ «FMO-ի հետ երկարատև համագործակցությունը նոր փուլ է մտնում այս պայմանագրով: Մեզ համար ռազմավարական նշանակություն ունի կանաչ և սոցիալապես կարևոր ծրագրերի իրականացումը, որոնք կնպաստեն մեր երկրի կայուն զարգացմանը և կնվազեցնեն սոցիալական անհավասարությունը»:

Ռուհի Քոսգուն՝ ԵԿԱ ՄԱՀԱ տարածաշրջանի FMO-ի Ֆինանսական հաստատությունների ղեկավարը, հավելեց. «FMO-ի և ԱրարատԲանկի միջև ամուր և հաջողված գործընկերությունը մեկնարկել է 2014 թվականից: FMO-ի տրամադրած նոր վարկը կնպաստի բնապահպանական ծրագրերի, փոքր բիզնեսների և կանանց կողմից ղեկավարվող ձեռնարկությունների զարգացմանը մի երկրում, որտեղ բնակչության գրեթե 30 տոկոսը գտնվում է աղքատության շեմին, ինչը լիովին համապատասխանում է FMO-ի ազդեցության օրակարգին։ Միաժամանակ, մենք ուրախ ենք նպաստել ԱրարատԲանկի վարկային պորտֆելի աճին և վերջինիս կայուն զարգացման ռազմավարությանը»:

Նիդերլանդների Թագավորության դեսպանը նշեց. «Ուրախ եմ ականատես լինել FMO-ի գործունեության ընդլայնմանը Հայաստանում և շարունակական համագործակցությանը ԱրարատԲանկի հետ: Այս համագործակցությունը ցույց է տալիս մեր ֆինանսատնտեսական գործընկերության մեծ ներուժը և համահունչ է վերջերս Հայաստանի Հանրապետության և Նիդեռլանդների Թագավորության միջև ստորագրված ռազմավարական գործընկերության մասին համատեղ հռչակագրին»:

Երկու ֆինանսական հաստատությունների համագործակցությունը սկսվել է 2014 թվականին՝ 15 մլն ԱՄՆ դոլարի վարկային պայմանագրով, իսկ «NASIRA» վարկային պորտֆելի երաշխիքի շրջանակում ընդհանուր ֆինանսավորումը կազմել է մոտ 35 մլն ԱՄՆ դոլար՝ շուրջ 1,500 ՓՄՁ-ներին և գյուղատնտեսական ձեռնարկություններին ավելի քան 2,000 վարկ։ Մինչ այսօր FMO-ից ներգրավված ընդհանուր գումարը կազմում է ավելի քան 100 մլն ԱՄՆ դոլար:

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Շարունակելով թվային փոխակերպման իր ծրագրի իրականացումը՝ Ucom-ը հպարտությամբ հայտարարում է UPlay-ի՝ նորարարական հեռուստատեսային (TV) և մեդիա հարթակի գործարկման մասին, որը կվերափոխի ժամանցը Հայաստանում։

Այս նոր հարթակը մշակվել է MediaKind ընկերության հետ, որը գլոբալ առաջատար է մեդիա և հոսքային տեխնոլոգիաների ոլորտում։

UPlay նոր TV և մեդիա հարթակն ունի Ժամանակակից և պարզ ինտերֆեյս։ Մեկ օգտահաշվով կարելի է ծառայությունից միաժամանակ օգտվել մինչև 5 սարքով, ինչը հարմար է ամբողջ ընտանիքով տարբեր հաղորդումներ դիտելու համար։ Բացի այդ, հարթակի «Շարունակական դիտում» ֆունկցիան  թույլ է տալիս անցնել մեկ սարքից մյուսին՝ առանց դիտումն ընդհատելու։

Նոր OTT լուծման շնորհիվ, հարթակից կարելի է օգտվել նույնիսկ այն վայրերում, որտեղ հասանելի չէ Ucom-ի ֆիքսված ինտերնետ ցանցը։

Հեռուստացույցով ծառայությունից օգտվելու համար բաժանորդներին տրամադրվելու է Android Smart Box՝ պրեմիում դիզայնով, որը միացված հեռուստացույցը դարձնում է խելացի և տալիս է Netflix-ի և YouTube-ի ուղիղ հասանելիություն։

Բացի առաջարկվող ավելի քան 200 հեռուստաալիքներից, որոնք միավորված են թեմատիկ փաթեթներում, UPlay-ը ներառում է հայկական և միջազգային ֆիլմերի հարուստ տեսադարան։ Armflix-ի՝ հայկական ֆիլմերի հարթակի հետ բացառիկ համագործակցության շնորհիվ UPlay-ն աննախադեպ հասանելիություն է տրամադրում տեղական բովանդակությանը։

«Հայաստանը որդեգրել է թվային վերափոխման համապետական ռազմավարություն, և մենք խորապես համոզված ենք՝ դրա հաջողությունն անհնար է առանց մասնավոր հատվածի ակտիվ ներգրավվածության։ Տեխնոլոգիական առաջընթացն այսօր այլևս միայն գործիք չէ․ այն միջավայր է, որտեղ ձևավորվում են կրթությունը, տնտեսությունը, մշակույթն ու հանրային ծառայությունները։ Թվային լուծումները վաղուց դուրս են եկել ոլորտային սահմաններից և արդեն ներգործում են մեր կյանքի գրեթե բոլոր կողմերի վրա։

Մենք, որպես պետություն, նպատակ ունենք խթանել այն միջավայրը, որտեղ թվային լուծումները դառնում են զանգվածային և հասանելի։ «Փոխակերպելով ապագան․ Ժամանցի թվային դարաշրջան» նախաձեռնությունը դրա վառ օրինակներից մեկն է։ Մենք ականատես ենք այն փուլին, երբ թվային տեխնոլոգիաները ոչ միայն համընթաց են ժամանակակից աշխարհի պահանջներին, այլ նաև ձևավորում են նոր չափանիշներ։ Այս հարթակի գործարկումը ոչ միայն տեխնոլոգիական առաջընթացի խորհրդանիշ է, այլև վստահ քայլ՝ Հայաստանը դիրքավորելու որպես առաջատար տարածաշրջանի թվային շուկայում։

Շնորհակալություն եմ հայտնում Ucom-ին՝ շարունակական ներդրումների, համաշխարհային առաջատար գործընկերների հետ համագործակցության և ոլորտի զարգացմանը համակողմանի աջակցություն ցուցաբերելու համար։ Սա ևս մեկ վկայություն է, որ միասին մենք կառուցում ենք այն Հայաստանը, որտեղ առաջադեմ տեխնոլոգիաները հասանելի են բոլորին՝ ապահովելով բարձր որակ, ազատություն և ճկունություն», — ասել է ՀՀ ԲՏԱ նախարար Մխիթար Հայրապետյանը։

«UPlay-ն ավելին է, քան պարզապես հեռուստատեսային հարթակ՝ այն ժամանցի նոր չափանիշ է։ Մենք համատեղել ենք առաջադեմ տեխնոլոգիաներն օգտատերակենտրոն դիզայնի հետ՝ ստեղծելով բոլոր էկրանների համար մեկ ընդհանուր փորձառություն, որը մեր հաճախորդներին մատուցում է լավագույնը հեռուստատեսության և մեդիայի ոլորտում։ Մենք շատ ոգևորված ենք այս պրոդուկտով՝ այն հերթական կարևոր քայլն է թվային փոխակերպման մեր ճանապարհին։ Վստահ ենք, բաժանորդներն այն շատ բարձր կգնահատեն», — նշել է Ucom-ի գլխավոր տնօրեն Ռալֆ Յիրիկյանը։

«Այսօր Ucom-ի կյանքում նոր էջ է բացվում. Ucom-ը փոխակերպվում է հեռահաղորդակցության օպերատորից՝ տեխնոլոգիական առաջատար լուծումների մատակարարի: Սա մի քայլ առաջ է՝ սրտերը կրկին միավորելու, մշակույթը վերակենդանացնելու և վերաիմաստավորելու: Տարիներ շարունակ Ucom-ը եղել է Հայաստանի հեռահաղորդակցության առաջատարը։ Բայց մենք միշտ հավատացել ենք, որ մեր առաքելությունը միայն կապ ապահովելը չէ։

Մեր նպատակը մարդկանց միավորելն է՝  ինքնության, լեզվի, մշակույթի ու պատմության շուրջ։ Հենց այդ պատճառով է, որ հպարտությամբ հայտարարում ենք Ucom-ի նորագույն ձեռքբերման մասին` համաշխարհային մակարդակի OTT հարթակի, որը կհեռարձակի բարձրորակ հայկական բովանդակություն մեր բաժանորդներին, և կդառնա լավագույն թվային հաբը` հայերի համար ամբողջ աշխարհում»,- ասել է Ucom-ի տնօրենների խորհրդի նախագահ Գուրգեն Խաչատրյանը:

UPlay-ի հիմքում անհատականացումն է․ ծառայությունը թույլ է տալիս տարիքային սահմանափակումներ դնել, նաև հատուկ փաթեթներ ընտրել՝ կախված բաժանորդի ճաշակից ու հետաքրքրություններից։ UPlay-ը հասանելի է ինչպես Unity փաթեթների կազմում, այնպես էլ որպես առանձին ծառայություն։

Հարկ է նշել, որ ծառայությունը հասանելի կլինի նաև գործող բաժանորդների համար։

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Ջեյմս Քեմերոնը, ում անունը կապված է մի շարք կուլտային ֆիլմերի՝ «Տիտանիկ», «Տերմինատոր», «Ավատար» ստեղծման հետ, կրկին հանդես է եկել տեսլականով, որը վերաբերվում է կինոարդյունաբերության ապագային։ Նրա համոզմամբ՝ արհեստական բանականությունը (ԱԲ) կարող է էական ազդեցություն ունենալ կինոյի ստեղծման գործընթացների վրա՝ հատկապես ծախսերի կրճատման և արտադրական արագության տեսանկյունից։

Քեմերոնը մատնանշում է, որ ժամանակակից կինոնախագծերի զգալի մասը մեծապես կախված է հատուկ էֆեկտներից, որոնք ոչ միայն պահանջում են բարձր տեխնոլոգիական ռեսուրսներ, այլև մեծ ֆինանսական ծախսեր։ ԱԲ-ն, նրա կարծիքով, կարող է փոխել այս պատկերը՝

• Արագացնելով էֆեկտների ստեղծման գործընթացը, ինչը հնարավորություն կտա նախագծերը իրականացնել ավելի սեղմ ժամկետներում։

• Թույլ տալով նկարիչներին ու գրաֆիկ մասնագետներին աշխատել ավելի ստեղծագործ ու բարդ խնդիրների վրա, քանի որ ԱԲ-ն կկարողանա կատարել մի շարք տեխնիկապես կրկնվող գործողություններ։

Մի շարք բարձր բյուջետային կինոնկարների վերլուծության հիման վրա Քեմերոնը համոզված է, որ ԱԲ-ի կիրառմամբ հնարավոր կլինի կրճատել ծախսերը գրեթե երկու անգամ, առանց աշխատակիցների կրճատման։ Այսինքն՝ հարցը շեշտը դնում է արդյունավետության բարձրացման, այլ ոչ թե ավտոմատացման հետևանքով աշխատուժի կրճատման վրա։

Նրա ասածով՝ ԱԲ-ն չի գալու փոխարինելու մարդկանց, այլ օգնելու է ստեղծագործական թիմերին՝ ավելի լավ արդյունքների հասնելու համար։

Սա առաջին դեպքը չէ, երբ Քեմերոնը խոսում է ԱԲ-ի ապագայի և դերակատարության մասին։ Ավելի վաղ նա անդրադարձել է ԱԲ-ի ներուժին ինչպես կինոյում, այնպես էլ այլ ոլորտներում՝ շեշտելով, որ տեխնոլոգիաները կարող են ավելացնել մարդկային ստեղծագործականության սահմանները, եթե կիրառվեն խելացի ու պատասխանատու ձևով։

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: