Աշխարհի խոշորագույն թվային արժույթների (կրիպտոարժույթ) փոխարժեքները հուլիսի 1-ի ժամը 10:30-ի դրությամբ.

Bitcoin-ի (BTC) փոխարժեքը դրամի նկատմամբ նվազել է 1.22%-ով և կազմել 41,080,323.46 դրամ, ԱՄՆ դոլարի նկատմամբ Bitcoin-ի փոխարժեքը նվազել է 1.26%-ով և կազմել 106,849.23 դոլար:

Ethereum-ի (ETH) փոխարժեքը նվազել է 1.54%-ով և կազմել 2,461.05 դոլար, ETH/BTC փոխարժեքը՝ 0.023029033 (-0.30%):

Bitcoin Cash-ի (BCH) փոխարժեքն աճել է 4.99%-ով և կազմել 523.79 դոլար, BCH/BTC փոխարժեքը՝ 0.004901287 (+6.31%):

Fasttoken-ի (FTN) փոխարժեքը նվազել է 0.01%-ով և կազմել 4.420720 դոլար, FTN/BTC փոխարժեքը՝ 0.000041366 (+1.25%):

Ripple-ի (XRP) փոխարժեքն աճել է 1.25%-ով և կազմել 2.217992 դոլար, XRP/BTC փոխարժեքը՝ 0.000020755 (+2.52%):

Litecoin-ի (LTC) փոխարժեքը նվազել է 1.08%-ով և կազմել 85.82 դոլար, LTC/BTC փոխարժեքը՝ 0.000803047 (+0.16%):

Binance Coin-ի (BNB) փոխարժեքը նվազել է 0.39%-ով և կազմել 652.77 դոլար, BNB/BTC փոխարժեքը՝ 0.006108193 (+0.86%):

Dogecoin-ի (DOGE) փոխարժեքը նվազել է 2.60%-ով և կազմել 0.162741 դոլար, DOGE/BTC փոխարժեքը՝ 0.000001523 (-1.36%):

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Ցանկացած վաճառող եթե ունի ապրանք և մեծ ցանկություն աճելու ու ընդլայնվելու, հաստատ կհաջողի Ozon-ի օգնությամբ։

Քանի որ մարկեթփլեյսը բիզնեսի համար մեծ հնարավորություններ ստեղծում, ու հոգում ամեն մանրուքի մասին։ Անգամ վաճառողների համար բառարան կա, որը օգնում է հասկանալ Ozon մարքեթփլեյսում աշխատանքի համար հիմնական հասկացությունները։ Վաճառողները կարող են օգտագործել բառարանը որպես ուղեցույց, կիրառել համապատասխան լուծումներն և կառավարել վաճառքները: 

API․Սա նշանակում է, որ ցանկացած վաճառող կարող է ավտոմատացնել գործընթացները։ Դրա օգնությամբ արտաքին հավելվածները կարող են միանալ վաճառողի անձնական հաշվին։ API-ի հետ աշխատանքը սկսելու համար անհրաժեշտ է ստեղծել մուտքի բանալի անձնական հաշվում: 

SKU․Սա յուրաքանչյուր ապրանքի համար նախատեսված եզակի կոդ է, որն անհրաժեշտ է հաշիվ վարելու համար՝  հետևել մնացորդներին, վերլուծել վաճառքները և պլանավորել առաքումները։ SKU-ն օգնում է տարբերակել նույնիսկ նմանատիպ ապրանքները։ Սա հատկապես կարևոր է մեծ տեսականու դեպքում։ Արագացնում է պատվերի հավաքագրումը և նվազեցնում սխալների քանակը։

Կոմպլեկտներ և հավաքածուներ

Կոմպլեկտը նույն արտիկուլի մի քանի ապրանք է, օրինակ՝ 10 զույգ գուլպա։ Իսկ Հավաքածուն տարբեր արտիկուլներով մի քանի ապրանք է։ Սովորաբար դրանք լրացնում են միմյանց, օրինակ՝ շամպուն և բալզամ-կոնդիցիոներ։ Կոմպլեկտներ և հավաքածուներ վաճառելիս ամբողջ բլոկը առաքվում է որպես մեկ միավոր՝ այն չի կարող վաճառվել առանձին։ 

Ֆիդ

Եթե դուք մեծ տեսականի ունեք, և ցանկանում եք ժամանակ խնայել ձեռքով թարմացնելու համար, Ozon-ն օգտագործում է ֆիդ։ Այս դեպքում գինը փոխելիս կամ կայքում ապրանք ավելացնելիս փոփոխությունները անմիջապես կցուցադրվեն մարքեթփլեյսում։ 

Ցանկացած վաճառող պետք է ունենա համապատասխանության վկայական, որը հաստատում է, որ ապրանքը արտադրվել է չափանիշներին համապատասխան: Այն ձևակերպում են Մաքսային միության տեխնիկական կանոնակարգերի կամ Ռուսաստանի Դաշնության Պետական Ստանդարտների պահանջներին համապատասխան: Վկայականի առկայությունը պարտադիր է օրինակ՝ մանկական հագուստ, խաղալիքներ, կենցաղային տեխնիկա, կոսմետիկա և մաշկի հետ շփվող ապրանքներ: Առանց դրա նման ապրանքների տեղադրումը Ozon կայքում անհնար է:

Մարժա․ Սա ապրանքի գնի և դրա ինքնարժեքի միջև եղած տարբերությունն է։ Այն ցույց է տալիս, թե որքան եք վաստակում յուրաքանչյուր վաճառքից՝ նախքան այլ ծախսերը հաշվելը։ Որքան բարձր է մարժան, այնքան մեծ է պոտենցիալ շահույթը։ 

Մարգինալություն․Ձեր բիզնեսի արդյունավետությունն էլ կօգնի հասկանալ Մարգինալությունը։ Սա շահույթի և եկամտի հարաբերակցությունն է։ Բարձր մարգինալությունը առողջ, շահութաբեր բիզնեսի նշան է։ 

ROI. Թե որքանով են Ձեր ներդրումները արդարացվել, կօգնի հասկանալ ROI-Return on Investment-ը։ Օրինակ, եթե դուք ծախսել եք 5000 ռուբլի գովազդի վրա և վաստակել 10000 ռուբլի, ապա ROI-ն կկազմի 100%։ Բարձր ROI-ն ցույց է տալիս, որ ներդրումները արդարացվում են, մինչդեռ ցածր ROI-ն ցույց է տալիս, որ ռազմավարությունը պետք է վերանայվի։

Իսկ որոնք են Մասնավոր ապրանքանիշները։ Սա ապրանքանիշ է, որը պատկանում է վաճառողին, առևտրի ցանցին կամ դիստրիբյուտորին: 

Ֆակտորինգ, Ozon-ի կայքում նաև ֆինանսական գործիք կա՝ Ֆակտորինգը։ Սրա օգնությամբ կայքում վաճառողը կարող է ստանալ գումար վաճառված ապրանքների դիմաց սահմանված վճարման ժամկետից առաջ: Ստանդարտ 7-14 օրվա սպասելու փոխարեն, Դուք ստանում եք միջոցներ վաճառքից հետո 1-2 օրվա ընթացքում: Սա օգտակար է, եթե բիզնեսին անհրաժեշտ է շրջանառու միջոցներ։

Ozon-ում վաճառողը կարող է ոչ միայն վաճառել ապրանքներ, այլև կառուցել համակարգային բիզնես՝ վերլուծել մարգինալությունը, ավտոմատացնել գործընթացները API-ի միջոցով, օգտագործել ֆակտորինգ՝ դրամական հոսքը կառավարելու համար: Նույնիսկ եթե դուք նոր եք սկսում Ձեր բիզնեսը, բավական է տիրապետել հիմնական հասկացություններին և աստիճանաբար ներդնել առկա գործիքները:

*գովազդ

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Կիբեռհանցագործությունների զոհ դարձած քաղաքացիներին կպաշտպանեն ֆինանսական հետևանքներից

Ներքին գործերի նախարարությունը հայտնել է, որ կիբեռհանցագործությունների զոհ դարձած քաղաքացիների վարկային պարտավորությունները կսառեցվեն՝ մինչև քրեական վարույթի ավարտը, վարկերի գծով տոկոսներ չեն հաշվարկվի, իսկ նախկինում հաշվարկված տոկոսները կզրոյացվեն։ Նման քաղաքացիները չեն հայտնվի «սև ցուցակում»։ Միջնաժամկետ հեռանկարում, այս որոշումը միտված է մեղմելու քաղաքացիների ֆինանսական վնասը և վերականգնելու վստահությունը բանկային համակարգի նկատմամբ։ Հարկ է նշել, որ հանցագործությունների քանակը նվազել է՝ 2025-ի մարտին գրանցվել է 85, ապրիլին՝ 52, իսկ մայիսից մինչ օրս՝ 22 դեպք։

Հայկական կոնյակը շարունակում է մուտք գործել ռուսական շուկա

ՀՀ էկոնոմիկայի նախարար Գևորգ Պապոյանի տվյալներով՝ հունիսի 1-ից 29-ն ընկած ժամանակահատվածում հայկական կոնյակով բեռնված 106 բեռնատար է հատել վրաց-ռուսական սահմանը։ Նրանցից 19-ը անցել են վերջին երեք օրերին։ Սա վկայում է հայկական կոնյակի արտահանման շարունակական և կայուն աճի մասին, չնայած տարածաշրջանային ու գլոբալ տնտեսական մարտահրավերներին։

Իրանը կարող է վերագործարկել ուրանի արտադրությունը մի քանի ամսում

ՄԱԳԱՏԷ-ի ղեկավար Ռաֆայել Գրոսին հայտարարել է, որ Իրանը տեխնիկապես ունակ է մի քանի ամսում վերագործարկել ուրանի արտադրությունը։ Նա ընդգծել է, որ չնայած ընթացիկ դադարին, չի կարելի բացառել միջուկային ծրագրի շարունակական զարգացումը՝ կոչ անելով վերսկսել բանակցությունները և գտնել տեխնիկապես հիմնավորված լուծում։

Թբիլիսիի նոր օդանավակայանի շինարարությունն արժե միլիարդներ

Վրաստանի կառավարությունը նախատեսում է կառուցել նոր միջազգային օդանավակայան Վազիանի արվարձանում՝ 1.3 միլիարդ դոլար ներդրումով։ Ակնկալվում է, որ օդանավակայանը պատրաստ կլինի մինչև 2031 թվականը և տարեկան կսպասարկի 18 միլիոն ուղևոր՝ չորսուկես անգամ ավելի, քան ներկայիս օդանավակայանը։

Մեծ Բրիտանիան նախապատրաստվում է պաշտպանվել Թրամփի մաքսատուրքերից

Թրամփի տնտեսական քաղաքականությունը, մասնավորապես մաքսատուրքերը, արդեն ազդեցություն են ունեցել Մեծ Բրիտանիայի վրա․ պողպատի գները նվազել են 10%-ով, իսկ շուկան ողողվել է արտասահմանյան արտադրանքով։ Դրա հետևանքով բրիտանական իշխանությունները պատրաստվում են արտակարգ միջոցներ ձեռնարկել՝ պողպատը ճանաչելով ռազմավարական ռեսուրս։

ՏՏ ոլորտի հափշտակումների վերաբերյալ իրավասու մարմինները ներկայացրել են պարզաբանումներ

Մարդու իրավունքների պաշտպանն ամփոփել է կիբեռհանցագործությունների տուժած քաղաքացիների վերաբերյալ իր հասցեագրված հարցադրումների պատասխանները։ ԿԲ-ն հայտնել է, որ ստացվել են մի քանի տասնյակ բողոքներ երեք առևտրային բանկերի վերաբերյալ, և արդեն մեկնարկել են ստուգումներ՝ պարզելու հնարավոր ֆինանսական խախտումները։

Հասարակական տրանսպորտից անվճար օգտվելու շրջանը մոտենում է ավարտին

Երևանի քաղաքապետ Տիգրան Ավինյանն հայտնել է, որ ԱԺ-ում քննարկվելու է օրենսդրական փաթեթ, որով նախատեսվելու է տուգանք՝ հասարակական տրանսպորտից օգտվելիս չվճարելու համար։ Սա կարևոր քայլ է՝ քաղաքացիներին վճարային կարգապահության սովորեցնելու և նոր տրանսպորտային համակարգի արդյունավետությունը ապահովելու համար։

Հայաստանում աշխատավարձերի աճ է արձանագրվել 2025-ի առաջին հինգ ամիսներին

Վիճակագրական կոմիտեի տվյալներով՝ 2025թ. հունվար-մայիսին Հայաստանում միջին անվանական աշխատավարձը կազմել է 294,009 դրամ՝ 5.1% աճով։ Պետական հատվածում աճը կազմել է 4.7%, իսկ ոչ պետական հատվածում՝ 4.9%։ Այս տվյալները վկայում են աշխատաշուկայի որոշակի կայունացման մասին։

ԱՄՆ-ը դադարեցնում է առևտրային բանակցությունները Կանադայի հետ

ԱՄՆ նախագահ Դոնալդ Թրամփը հայտարարել է, որ դադարեցնում է Կանադայի հետ առևտրային բանակցությունները՝ վերջինիս կողմից թվային ծառայությունների հարկի ներդրման պատճառով։ Թրամփը նշել է, որ նման քաղաքականությունը հիշեցնում է ԵՄ-ի մոտեցումը և վնասում է ամերիկյան ընկերությունների շահերին։

Ինչ է կատարվել այսօր Հայաստանում և արտերկրում՝ դիտեք բոլոր կարեւոր, օգտակար եւ հետաքրքիր լուրերը` նոր մանրամասներով Armenian Business News-ի եթերում, տեսանյութերում եւ www.abnews.am կայքում

Հունիսի 27-ին Երևանում կայացավ  «Ձեռնարկատիրության համաշխարհային զեկույց Հայաստան 2024/2025» հրապարակման շնորհանդեսը:

Այն ձեռնարկատիրության ոլորտի ամենահեղինակավոր և ընդգրկուն հետազոտական հարթակներից է, որը 1999 թվականից ի վեր յուրաքանչյուր տարի հավաքագրում և ներկայացնում է ավելի քան 500 ցուցանիշ՝ ամփոփելով համապարփակ տվյալներ և վերլուծություններ աշխարհի ավելի քան 100 երկրից։ Այսպիսով, զեկույցը բացահայտում է ձեռնարկատիրության զարգացման միտումները, առկա մարտահրավերները, ինչպես նաև ձեռնարկատիրական էկոհամակարգերի ներուժը՝ տեղական և գլոբալ մակարդակներում։

Հայաստանը 2-րդ անգամ է միանում այս հեղինակավոր նախաձեռնությանը: Առաջին մասնակցությունը եղել է 2019 թվականին, երբ զեկույցին միացել էր 49 երկիր: 2024 թվականին Ձեռնարկատիրության համաշխարհային զեկույցի կազմմանը մասնակցել է 51 երկիր։ Այդ երկրների թվում են ինչպես մի շարք զարգացող երկրներ՝ Ղազախստան, Ուկրաինա, Բելառուս, Եգիպտոս, Հորդանան, այնպես էլ՝ զարգացած տնտեսություններ ունեցող երկրներ` ԱՄՆ, Կանադա, Գերմանիա, Միացյալ Թագավորություն, Ավստրիա, Նորվեգիա և այլն:

Այս տարի ևս, ինչպես և 2019 թվականին, «Ձեռնարկատիրության համաշխարհային զեկույց Հայաստան 2024/2025» հրապարակումը պատրաստել է «Ամերիա» կառավարման խորհրդատվական ծառայությունը, որը «Ձեռնարկատիրության համաշխարհային զեկույցի» հայաստանյան գործընկերն է:

«Ձեռնարկատիրության համաշխարհային զեկույց 2024/2025» հետազոտությանը Հայաստանի մասնակցությունը հնարավորություն է տալիս իրականացնել նշանակալի համեմատություններ ինչպես Հայաստանի ազգային զեկույցի 2019թ․ արդյունքների, այնպես էլ տարբեր երկրների միջև, այդ թվում՝ «Արևելյան Եվրոպա+» խմբի երկրների, որտեղ Հայաստանն ընդգրկված է տարածաշրջանային պատկանելիության սկզբունքով։

«Ձեռնարկատիրության համաշխարհային զեկույցի 2024/2025» հետազոտությունն ընդգրկել է ավելի քան 161,000 չափահաս ռեսպոնդենտ մասնակից 51 երկրից  և ավելի քան 2,400 ոլորտային փորձագետի գնահատական 56 երկրից։

Հայաստանում տվյալների հավաքագրումը ներառել է անհատական հարցազրույցներ 2,000 չափահաս (18-64 տարեկան) բնակչության շրջանում և 37 ոլորտային փորձագետի հետ: Անհատական հարցազրույցներն իրականացվել են 2024թ․ ապրիլ-հունիս ժամանակահատվածում։

Հայաստանի ազգային զեկույցը կազմված է 8 գլխից, որոնք ներկայացնում են երկրում ձեռնարկատիրության ընդհանուր մակարդակն ու բաշխվածությունն ըստ բնակչության տարբեր խմբերի և տնտեսության ոլորտների: Զեկույցն անդրադառնում է  ձեռնարկատիրությանը  ու ձեռնարկատերերի հանդեպ վերաբերմունքին, բիզնես սկսելու մարդկանց մոտիվացիային, բիզնեսի ազդեցությանը տնտեսության վրա, ոչ ֆորմալ ներդրումներին, բիզնեսից դուրս գալու գործընթացներին, արհեստական բանականության ու թվային գործիքների կիրառությանը բիզնեսում, ինչպես նաև ընդհանուր ձեռնարկատիրական միջավայրին Հայաստանում։

Ազգային զեկույցի շրջանակում  դուրս բերված մի շարք հետաքրքիր արդյունքները հատկապես կարևոր է հաշվի առնել հետագայում ռազմավարությունների և քաղաքականությունների մշակման ժամանակ: Այսպես, օրինակ.

• 2024 թվականին Հայաստանը շարունակում է ցուցաբերել ձեռնարկատիրության բարձր աստիճան («Արևելյան Եվրոպա+» խմբում զբաղեցնում է 1-ին, իսկ  Ձեռնարկատիրության համաշխարհային զեկույցի 51 երկրների շրջանում` 5-րդ տեղը)՝ ձեռնարկատիրությունը դիտարկելով որպես ցանկալի կարիերա։
• Ձեռնարկատերերի հանդեպ հասարակության շրջանում առկա հարգանքն ու մեդիա շրջանակներում դրական արձագանքը շարունակում են մնալ բարձր մակարդակում:
• Ձեռնարկատիրության հիմնական շարժառիթը շարունակում է մնալ կարիքը, սակայն հարստություն կուտակելու ձգտումը` որպես ձեռնարկատիրության հիմնական շարժառիթ, էապես աճել է՝ հատկապես երիտասարդների և քաղաքաբնակների շրջանում:
• Հայաստանում ընդհանուր սկսնակ ձեռնարկատիրությունների 44%-ը և կայացած բիզնեսների 53%-ը միանձնյա են։
• Կանանց ձեռնարկատիրությունը, ի տարբերություն տղամարդկանց, համեմատաբար թույլ է զարգացած։
• Ձեռնարկատիրական միջավայրը բնորոշող ցուցանիշներից ձեռնարկատիրական կրթությունն ամենացածր գնահատականին է արժանացել փորձագետների կողմից։
• Թվային տեխնոլոգիաների և արհեստական բանականության կիրառումն առայժմ ցածր մակարդակի վրա է՝ հատկապես կայացած բիզնեսների շրջանում:

Զեկույցի մասին ՀՀ փոխվարչապետ Մհեր Գրիգորյանի ուղերձում ասվում է. «Այս զեկույցի թողարկումը հատկապես ժամանակին է․ այն ներկայացնում է ձեռնարկատիրության վիճակի օբյեկտիվ և համապարփակ գնահատական Հայաստանում և համեմատում է մեր առաջընթացը գլոբալ համատեքստում»։

«Ամերիա» ՓԲԸ գործընկեր, «Ամերիա» կառավարման խորհրդատվական ծառայության տնօրեն Տիգրան Ջրբաշյանն իր ելույթում նշեց. «Զեկույցի արդյունքներն ակնհայտորեն ցույց են տալիս, որ ձեռնարկատիրությունը Հայաստանում պահանջում է ավելի լայն քաղաքական տեսլական՝ այնպիսին, որը դուրս է գալիս միայն ֆինանսական աջակցության շրջանակներից և կենտրոնանում է կրթության, թվային ներառականության և կառուցվածքային խթանների վրա, որոնք նպաստում են բիզնեսի մասշտաբավորմանը, նորարարությանը և երկարաժամկետ գոյատևմանը»։

*գովազդ

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

ՊԵԿ-ն ամփոփում է նախորդ շաբաթվա նորությունները

📈Հուլիսի 1-ից որոշ ծառայություններ շրջանառության հարկի դաշտից կանցնեն հարկման ընդհանուր համակարգ

💬2025 թվականի հունվարից մեկնարկել է Հայաստանի 120 պետությունների հետ ոչ ռեզիդենտների ՀՀ-ում ունեցած ֆինանսական հաշիվների վերաբերյալ տեղեկատվության ավտոմատ փոխանակման գործընթացը 

📈Թվային դրոշմավորման առցանց քննարկում՝ մանրածախ բիզնեսի ներկայացուցիչների հետ

💬Ֆիզիկական անձանց եկամուտների հայտարարագրման գործընթացի մանրամասներին ծանոթացել են նաև Գյուլբենկյանի անվան թիվ 190 դպրոցի ուսուցչակազմը

📈Թարմացվել է երկակի և (կամ) ռազմական նշանակության չհանդիսացող ապրանքների ցանկը

🔎ՊԵԿ-ը բացահայտել է ներմուծման և իրացման փուլերում 142 մլն դրամի հարկերից խուսափելու դեպք

Մաքսանենգության և մաքսային կանոնների խախտման դեպքեր. շաբաթվա պատկերը

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Հետազոտությունն արձանագրում է արդյունաբերության և արտաքին առևտրի անկման խոշոր ցուցանիշներ. «ԼՈՒՅՍ» հիմնադրամ

«ԼՈՒՅՍ» հիմնադրամը վերլուծել է ՀՀ տնտեսության սոցիալ-տնտեսական զարգացումները 2025թ. հունվար-մայիս ամիսներին։

Այսպես՝

• ՀՀ տնտեսական ակտիվության աճի տեմպն արագացել է՝ հիմնականում բազայի էֆեկտի շնորհիվ։ Տնտեսական ակտիվության աճը մայիսին արագացել է՝ հասնելով 10.4%-ի, իսկ արագացման չափը համադրելի է նախորդ տարվա աճի տեմպի դանդաղման չափի հետ։ Այնուամենայնիվ, տնտեսությունում կան արագ աճող ճյուղեր, մասնավորապես ծառայությունները և շինարարությունը, որոնք, անկախ բազայի դրական էֆեկտի ազդեցությունից, արագացնում են աճի տեմպը։
• Մտահոգիչ է մնում արդյունաբերության և արտաքին առևտրի դինամիկան։ Ինչպես արդյունաբերության, այնպես էլ արտահանման պարագայում արձանագրվում են անկման խոշոր ցուցանիշներ, որոնց մեղմման տեմպը բավական դանդաղ է։ Վերջինս խոսում է տնտեսական աճ ապահովող գործոնների գրեթե բացակայության մասին։ Արտահանման խոշոր անկումը հիմնականում պայմանավորված է ոսկու վերաարտահանման ծավալների չեզոքացմամբ, հետևաբար այն պետք է այնքան էլ մտահոգիչ չլիներ։ Սակայն խնդրահարույց է այն, որ եթե արտահանման աճը ճշգրտենք «թանկարժեք և կիսաթանկարժեք քարեր, թանկարժեք մետաղներ և դրանցից իրեր» ապրանքախմբի նպաստման չափով (չեզոքացնենք վերաարտահանման ազդեցության զգալի մասը), ապա աճը կկազմի ընդամենը 0.7%: Այսինքն՝ առանց բազայի էֆեկտի արտահանման աճը այդքան ցածր է, որն էլ վկայում է վերջին տարիներին արտահանման պոտենցիալի կորստի մասին:
• Գնաճն արագանում է բավական բարձր տեմպով։ Մայիսին 12-ամսյա գնաճի տեմպն արագացել է 1.1 տոկոսային կետով՝ հասնելով 4.3%-ի, որն էականորեն բարձր է կենտրոնական բանկի նոր՝ 3±1% թիրախից։ Ընդ որում, կենտրոնական բանկի թիրախը կետային է, ինչը նշանակում է, որ ԿԲ-ն ձգտելու է գնաճը հասցնել 3%-ի, այլ ոչ թե պահպանել 2-4% միջակայքում։ Այս պայմաններում, եթե գնաճի տեմպը շարունակի արագանալ, ապա ԿԲ-ն ստիպված կլինի անցնել դրամավարկային քաղաքականության խստացմանը՝ տոկոսադրույքների բարձրացման միջոցով, ինչն առավել կբարդացնի տնտեսության վիճակը։
• Վարկերի աճի տեմպն ավելի է արագացել։ Բնակչությանն ուղղվող՝ հիպոթեքային և սպառողական վարկերը մայիսին աճել են համապատասխանաբար 42.7%-ով և 37.9%-ով, ինչը չափազանց բարձր է՝ հաշվի առնելով տնտեսական ակտիվության, աշխատավարձերի և արտաքին դրամական փոխանցումների ցածր աճերը։ Այս զարգացումների շուրջ ֆինանսական համակարգում ձևավորվում են ռիսկեր, որոնք մտահոգությունների տեղիք են տալիս։

Վերլուծությունն ամբողջությամբ հասանելի է այստեղ։

 «ԼՈՒՅՍ» հիմնադրամ

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

IDBank-ը կրկին Հաճախորդների շնորհակալության օր է կազմակերպել, այս անգամ՝ Արաբկիր մասնաճյուղում։ Սիրված ավանդույթը Բանկն ամեն անգամ տանում է տարբեր մասնաճյուղեր՝ սպասարկվող հաճախորդների համար այդ օրը վերածելով տոնի։

Արաբկիր մասնաճյուղում հաճախորդներին անակնկալներն էին դիմավորում։ Նրանք մասնակցում էին խաղարկությանը, շահում idcoin-ներ և հյուրասիրվում քաղցրավենիքով։

«Արաբկիր» մասնաճյուղի կառավարիչ Սուրեն Մելիքյանի խոսքով՝ թիմն արդեն հասցրել է սիրել այս փոքրիկ միջոցառումն ու այստեղ էլ անհամբերությամբ էին սպասում․ «Թե՛ մեր թիմի, թե՛ հաճախորդների տրամադրությունը ողջ օրը կրկնակի բարձր էր տիրող մթնոլորտից։ Սա հիանալի օրինակ է, որ մենք ոչ միայն ձգտում ենք սպասարկման լավագույն փորձառությամբ ապահովել մեր հաճախորդներին, այլ նաև այդ գործընթացը պարբերաբար դարձնել առավել հաճելի և անակնկալներով լի», — ասաց Սուրեն Մելիքյանը։

IDBank-ի Հաճախորդների փորձառության մենեջեր Սեդա Ավագյանն էլ նշեց․ «Մեր հաճախորդները մեր տարբեր նախաձեռնությունների ու անակնկալների միջոցով հաճախ են ստանում մեր շնորհակալությունն ու երախտագիտությունը, մենք էլ ամեն անգամ լսում ենք դրական հետադարձ կապ։ Շնորհակալության օրվա ավանդույթը շարունակելով՝ եկել ենք Արաբկիր՝ ևս մեկ անգամ ընդգծելու, որ IDBank-ի կարևոր առաքելությունը առաջին հերթին հաճախորդներին լավագույն սպասարկմամբ ապահովելն է։ Օրը, իրոք, ստացված է այստեղ», — ասաց Սեդա Ավագյանը։

Ամենօրյա հերթական սպասարկումը այս անգամ տարբերվող դարձավ հաճախորդների համար․ նրանք ուրախությամբ պտտում էին խաղարկության անիվը, շահում idcoin-ներ, ստանում նվերներ ու վայելում տարբերվող միջավայրը։ Ստացած idcoin-ները հաջողակները կարող են օգտագործել ամենուր, ուր կա Իդրամով վճարում կատարելու հնարավորություն, այսինքն՝ ավելի քան 25000 վաճառակետում։

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

*գովազդ

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: