Եվրախորհրդարանի ղեկավար Ուրսուլա ֆոն դեր Լեյենն առաջարկել է Nord Stream-ի միջոցով մատակարարումները փոխարինել բնակարանների ջեռուցման վրա՝ նվազեցնելով մարտկոցների ջերմաստիճանը երկու աստիճանով: Այս մասին նա ասել է իսպանական El Diario թերթին տված հարցազրույցում։
Նա ընդգծել է, որ էներգաարդյունավետությունը և էներգախնայողությունը կարևոր դեր են խաղում։
«Մենք արդեն կրճատել ենք ռուսական գազի մատակարարումները այս տարվա առաջին եռամսյակում 30%-ով»,- ասել է Դեր Լեյենը։
Նրա խոսքով, Եվրոպական խորհրդի վերջին նիստում որոշվել է միջնաժամկետ և երկարաժամկետ հեռանկարում դիտարկել էլեկտրաէներգիայի շուկայի ամբողջական բարեփոխումը։ Քաղաքական գործիչը նշել է, որ հակառուսական պատժամիջոցներն արդյունավետ են։ «Գլխավոր բացթողումները մենք կքննարկենք Յոթնյակի խմբի (G7) հաջորդ գագաթնաժողովում»,- ասել է ԵՀ ղեկավարը։
Ավելի վաղ ՌԴ նախագահի մամուլի քարտուղար Դմիտրի Պեսկովը ճեպազրույցի ժամանակ ասել էր, որ Եվրոպայում գազի ճգնաժամը տեխնածին է, և Ռուսաստանը շարունակում է մնալ հուսալի մատակարար։
