Գերմանական սպորտային հագուստ արտադրող Adidas-ը հայտարարել է, որ ակնկալում է, ԱՄՆ-ում ներմուծման ավելի բարձր մաքսատուրքերը ի վերջո կբարձրացնեն իր բոլոր ապրանքների շուկայական արժեքը։
ԱՄՆ-ի կողմից Հարավարևելյան Ասիայի երկրների նկատմամբ, ինչպիսիք են Վիետնամը և Ինդոնեզիան, անսպասելիորեն բարձր ներմուծման մաքսատուրքերը, զարմացրել են սպորտային հագուստ արտադրողներին, որոնք հիմնվում էին այդ երկրներից մատակարարումների վրա՝ Չինաստանից ներմուծվող ապրանքների վրա ԱՄՆ մաքսատուրքերի ազդեցությունը մեղմելու համար։
Adidas-ը, որը հայտնել է սպասվածից ավելի բարձր եռամսյակային վաճառքի և շահույթի մասին, հայտարարել է, որ ծախսերի աճը, ի վերջո, կհանգեցնի գների բարձրացման. սակայն հավելել է, որ ներկայումս անհնար է քանակապես որոշել կամ գնահատել դրանց ազդեցությունը իր արտադրանքի սպառողական պահանջարկի վրա։
Ընկերության մեկ բաժնետոմսի արժեքը ապրիլի 29-ի դրությամբ կազմել է 210 եվրո:
McDonald’s-ը հայտնել է իր եռամսյակային արդյունքների մասին. ԱՄՆ-ում վաճառքները նվազում են արդեն երկրորդ եռամսյակն անընդմեջ՝ գրանցելով կորոնավիրուսի համաճարակից ի վեր ամենամեծ անկումը։
McDonald’s-ի վաճառքները կրճատվել են 3.6%-ով, քանի որ ցանցը բախվել է անբարենպաստ եղանակային պայմանների և ավելի զգուշավոր սպառողական վարքագծի հետ։
Այս անկումը ամենամեծն է McDonald’s-ի տեղական՝ ԱՄՆ շուկայում՝ սկսած 2020 թվականի երկրորդ եռամսյակից, երբ ընկերության վաճառքները նվազել էին 8.7%-ով՝ COVID-19-ի տարածումը կանխելու նպատակով կիրառված արգելափակումների պատճառով։
Ընկերության մեկ բաժնետոմսի արժեքը մայիսի 1-ի դրությամբ կազմել է 314 ԱՄՆ դոլար:
Եվրոպական առցանց նորաձևության խանութների ցանցը՝ Zalando-ն, հայտնել է առաջին եռամսյակի եկամտի մասին, որը գերազանցել է սպասվածը՝ պայմանավորված լրացուցիչ հաճախորդների ներգրավմամբ և գարնանային ու ամառային վաճառքների լավ մեկնարկով։
Մարտի 31-ին ավարտված եռամսյակի ընթացքում 2.42 միլիարդ եվրոյի եկամուտը գերազանցել է վերլուծաբանների միջին՝ 2.36 միլիարդ եվրոյի կանխատեսումը։
Ակտիվ հաճախորդների թիվը հասել է նոր ռեկորդի՝ 52.4 միլիոնի, նախորդ տարվա առաջին եռամսյակի 49.5 միլիոնի համեմատ։
Zalando-ն ավելի շատ դիզայներական ապրանքանիշեր է ավելացրել իր առաջարկվող տեսականուն՝ միաժամանակ մեծացնելով ցածր գներ ներկայացնող իր հարթակները։
ԴԻՄԵՔ ՄԵԶ՝
+374 11 888 118
Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ:
Կազմակերպությունը վերահսկվում է ՀՀ Կենտրոնական Բանկի կողմից
