ԱՄՆ-ում սպառողների վստահության ինդեքսը հասել է վերջին 4 ամիսների առավելագույն մակարդակին։ Մեկ տարվա գնաճի սպասվող ցուցանիշը 2.8%-ից նվազել է մինչև 2.7%:
ԱՄՆ Դաշնային պահուստային համակարգի տոկոսադրույքային քաղաքականության վրա հիմնված ֆյուչերսներն արտացոլում են 47% հավանականություն, որ ԴՊՀ-ն սեպտեմբերի 17-18-ի նիստին տոկոսադրույքը կնվազեցնի 50 բազիսային կետով։ Այնուամենայնիվ 25 բազիսային կետով նվազեցումն այս պահին ավելի հավանական է։
ԱՄՆ-ում գնաճն օգոստոսին տարեկան կտրվածքով աճել է 2.5%-ով, նախորդ ամսվա համեմատ՝ 0.2%-ով։ Չնայած գնաճի թեթևակի աճին, դրա հիմքում ընկած ծառայությունների թանկացումները փոքր-ինչ բարձրացնում են վերաֆինանսավորման տոկոսադրույքի 0.5 տոկոսային կետով կրճատման հավանականությունը։
Եվրոպական կենտրոնական բանկն այս տարի արդեն երկրորդ անգամ նվազեցրել է վերաֆինանսավորման տոկոսադրույքը 0.25 տոկոսային կետով՝ սահմանելով 3.5%: ԵԿԲ-ն նաև նախազգուշացրել է, որ տնտեսական աճն այս տարի ավելի ցածր կլինի (0.8%), քան նախապես կանխատեսվում էր (0.9%):
ՌԴ կենտրոնական բանկը բարձրացրել է վերաֆինանսավորման տոկոսադրույքը 1 տոկոսային կետով՝ սահմանելով 19%։ ՌԴ Կենտրոնական բանկից նաև հայտնել են, որ այս տարվա համար գնաճի կանխատեսվող ցուցանիշը բարձրացել է, ինչը ենթադրում է, որ հաջորդ նիստին ևս հնարավոր է տոկոսադրույքի բարձրացում։
Մեկնաբանություն