Արժույթի միջազգային հիմնադրամի փորձագետները կարծում են, որ 2024 թվականին նավթի մեկ բարելի միջին գինը կկազմի 79.1 դոլար, իսկ հաջորդ տարի՝ 75.31 դոլար։ Այս մասին ասված է ԱՄՀ-ի` համաշխարհային տնտեսության զարգացման հեռանկարների վերաբերյալ հունվարյան զեկույցում։
«Կանխատեսվում է, որ նավթի տարեկան միջին գները 2024-ին կնվազեն մոտ 2.3%-ով, մինչդեռ ապրանքների գները՝ առանց վառելիքի, 0.9%-ով»,- ասվում է զեկույցում։
Ինչպես նշվում է, 2023-ին նավթի միջին գինը նվազել է մոտ 16%-ով։
«2023 թվականի հոկտեմբերին նավթի գներն ի սկզբանե բարձրացան Գազա-իսրայելական հակամարտության համատեքստում: Բայց հետո տարածաշրջանային հակամարտության սրման հետ կապված մտահոգությունները թուլացան: Ներկայիս կանխատեսումները հիմնված են այն եզրակացությունների վրա, որ վառելիքի և ոչ վառելիքային ապրանքների գները կնվազեն 2024 և 2025 թվականներին»,- կանխատեսված է ԱՄՀ հունվարյան զեկույցում:
