Հայաստանի առևտրային բանկերի ավանդների ծավալը սեպտեմբերի վերջին կազմել է 5,380,77 մլն դրամ՝ օգոստոսի 5,346,727 մլն դրամի համեմատ։ Այս մասին են վկայում հանրապետության Ազգային վիճակագրական կոմիտեի տվյալները։
Ընդ որում, ոչ ռեզիդենտների ավանդների ծավալը սեպտեմբերին կազմել է 1,27 տրլն. դրամ՝ օգոստոսին գրանցված 1,27 տրլն դրամի համեմատ, իսկ ռեզիդենտների ավանդները՝ 4,09 տրլն. դրամ՝ օգոստոսին գրանցված 4,06 տրլն դրամի համեմատ։
Հաշվետվության մեջ նշվում է, որ սեպտեմբերի վերջի ոչ ռեզիդենտների ավանդների ցուցանիշը չի ներառում ոչ ռեզիդենտ կազմակերպությունների, տնային տնտեսությունների, ոչ առևտրային կազմակերպությունների, ինչպես նաև ոչ բանկային ֆինանսական կազմակերպությունների ցպահանջ (ներառյալ հաշիվները) և ժամկետային ավանդները: .
Ռեզիդենտների դրամային ավանդների կառուցվածքում 2,39 տրլն դրամ (օգոստոսին՝ 2,41 տրլն դրամ) ցպահանջ ավանդները (այդ թվում՝ հաշիվները) սեպտեմբերի վերջին կազմել են 1,09 տրլն դրամ (օգոստոսին՝ 1,1 տրլն դրամ), իսկ ժամկետային ավանդները՝ 1,30 տրլն դրամ (օգոստոսին՝ 1,31 տրլն դրամ)։
Արտարժութային ավանդների 1,7 տրլն դրամ (օգոստոսին՝ 1,6 տրլն դրամ) ցպահանջ ավանդները (այդ թվում՝ հաշիվները) կազմել են 849 մլրդ դրամ (օգոստոսին՝ 820 մլրդ դրամ), իսկ ժամկետային ավանդները՝ 851,7 մլրդ դրամ (օգոստոսին՝ 838,3 մլրդ դրամ)։
Հայաստանի բանկերում բնակչությունից ներգրավված ավանդների մնացորդը 2023 թվականի սեպտեմբերի վերջին կազմել է 2,403,957 մլն դրամ, որը 22,806 մլն դրամով կամ 1%-ով գերազանցում է նախորդ ամսվա ցուցանիշը և 436,504 մլն դրամով կամ 22,2%-ով ավել է 2022թ․–ի նույն ժամանակահատվածի ցուցանիշից։
Սեպտեմբերին առևտրային բանկերի ավանդների գծով գործարքների տոկոսադրույքը կազմել է 8,60% (օգոստոսին՝ 8,57%)։
Մեկնաբանություն