OpenAI-ը հայտարարել է GPT Store ծառայության գործարկման մասին։ Դրա օգնությամբ օգտատերերը կկարողանան փոխանակել և նույնիսկ վաճառել արհեստական բանականության վրա աշխատող սեփական չաթբոտերը,- գրում է fintech.am-ը:
Յուրաքանչյուր ոք կարող է ստեղծել իր սեփական GPT-ը. կոդի իմացություն չի պահանջվում: Դուք կարող եք օգտագործել հավելվածը Ձեր, ընկերության համար կամ այն դարձնել հանրային: Դա նույնքան հեշտ է, որքան զրույց սկսելը CharGPT-ի հետ:
Ընկերությունից նշել են, որ ChatGPT օգտատերերը՝ «Plus» և «Enterprise» բաժանորդագրության մակարդակներով արդեն կարող են փորձարկել նորարարությունը։ Ավելի ուշ ծառայությունը հասանելի կլինի բոլորին։
Միևնույն ժամանակ, OpenAI-ը հայտարարել է GPT-ի համար մարկետփլեյսի մեկնարկի մասին։ Կայքում կհավաքվեն տարբեր չաթբոտեր՝ ինչպես պաշտոնական, այնպես էլ երրորդ կողմի ծրագրավորողներից։
Մեկնաբանություն