Visa-ն (ԱՄՆ) գործարկել է $100 միլիոն արժողությամբ հիմնադրամ, որպեսզի ներդրումներ կատարի ընկերություններում, որոնք օգտագործում են գեներատիվ տեխնոլոգիաներ և արհեստական բանականության (AI) հավելվածներ առևտրի և վճարումների համար,- գրում է Fintech.am-ը:
Նախաձեռնությունը կգլխավորի Visa Ventures-ը՝ Visa-ի համաշխարհային կորպորատիվ ներդրումային ճյուղը:
«Մեր ժամանակի ամենափոխակերպվող տեխնոլոգիաներից մեկը դառնալու և ներուժ ունեցող գեներատիվ բանականությունը․ մենք ուրախ ենք ներդրումներ կատարել ամենանորարար ստարտափներում, որոնք ստեղծում են գեներատիվ AI տեխնոլոգիաներ՝ էլեկտրոնային առևտրի և վճարումների համար»,- ասել է Visa Ventures-ի ղեկավար Դեյվիդ Ռոլֆը։
Իսկ Visa-ի պրոդուկտի և ռազմավարության գլխավոր տնօրեն Ջեք Ֆորեսթելը ասել է, որ նախաձեռնությունը ոչ միայն գեներացնող արհեստական բանականության փոխակերպման ներուժը հասկանալու, այլ նաև եկամուտ ապահովելու մասին է:
«Թեև գեներատիվ արհեստական բանականության մեծ մասը մինչև այժմ կենտրոնացել է առաջադրանքների և բովանդակության ստեղծման վրա, այդուամենայնիվ այս տեխնոլոգիան շուտով ոչ միայն կփոխի մեր ապրելակերպն ու աշխատանքը, այլև էապես կազդի առևտրի վրա»,- ասել է նա։
Մեկնաբանություն