Samsung ընկերությունը ներկայացրել է բրենդավորված տաղավար՝ հունիսի 2-ից 4-ը Երևանում բաց երկնքի տակ անցկացվելիք «Երևանի գինու օրեր» ամենամյա փառատոնի ժամանակ:
Ամեն տարի Հայաստանում անցկացվող՝ «Երևանի գինու օրեր» ամառային փառատոնին մասնակցում են ոչ միայն հայկական առաջատար ընկերություններ, այլ նաև միջազգային հայտնի ապրանքանիշներ։ Ամռան առաջին շաբաթվա հանգստյան օրերի ընթացքում Samsung ընկերությունը Սարյան փողոցում տեղադրել էր ինտերակտիվ բրենդային գոտի, որտեղ հնարավորություն կար անձամբ փորձարկել Samsung Galaxy S23 առաջատար սմարթֆոնների նոր շարքը և փորձարկել գիշերային նկարահանման թարմացված գործառույթը հատուկ դրա համար նախատեսված տաղավարում:
Փառատոնի հյուրերի համար Samsung-ը պատրաստել էր բազմաթիվ ժամանցային և բրենդային նվերներ։ Ինչպես օրինակ՝ բրենդավորված գոտում արված լուսանկարների համար այցելուները մասնակցել են ֆոտոմրցույթի, որի հաղթողը ստացել է նորագույն ֆլագմանական Galaxy S23 Ultra սմարթֆոն: Հյուրերը հնարավորություն են ունեցել նաեվ էլեկտրոնիկայի խանութների համար զեղչի կտրոններ ստանալու: Փառատոնի բոլոր օրերի ընթացքում Samsung-ը պատրաստել էր հաճելի անակնկալներ՝ յուրաքանչյուր ոք կարող էր մասնակցել հետաքրքրաշարժ «քվեստին», որի շնորհիվ ծանոթանում էին սմարթֆոնների յուրահատուկ հատկանիշներին և ստանում հնարավորություն շահելու նորագույն ֆլագմանական Galaxy S23+ սմարթֆոն: Փառատոնի գործընկերների կողմից անցկացվող վիճակախաղին գլխավոր մրցանակներից մեկը՝ Galaxy S23+ սմարթֆոնն էր:
«Երևանի գինու օրերը» տեղի է ունեցել քաղաքի սրտում՝ Մոսկովյան-Սարյան-Թումանյան փողոցների խաչմերուկում, հունիսի 2-ից 4-ը ընկած ժամանակահատվածում։ Samsung ընկերության տաղավար են այցելել գործարար համայնքի ներկայացուցիչներ և ճանաչված բլոգերներ, ինֆլյուենսերներ ինչպիսիքն են ՝ Իրինա Թովմասյանը, Միշել Ղայթանջյանը, Անաստասիա Բաուլինան, Ժաննա Բուտուլյանը, Վեներա Մկրտչյանը, Թերեզա Գրիգորյանը և այլ հայտնիներ:
Մեկնաբանություն