Պետական եկամուտների կոմիտեն հայտնում է, որ նախորդ տարվա համեմատ խոշոր հարկատուների հարկերն ավելացել են 31.8 տոկոսով: Ըստ ՊԵԿ Պաշտոնյայի դրական միտում կա տեղեկատվական տեխնոլոգիաների ոլորտի ընկերությունների առումով, խոշոր հարկատուների ցանկում նրանք արդեն ապահովում են ընդհանուր եկամուտների մոտ 6 տոկոսը: Ընդ որում հարկերն ավելացել են Բոլոր ուղղություններով, մասնագետների խոսքով` շատ կարևոր է, որ նկատվում է ուղղակի հարկերի ավելացում: 1000 խոշոր հարկ վճարողների վճարած ուղղակի հարկերը կազմել են 31.1 տոկոս: 9 ամսում նկատվում է նաև մարզերում գրանցված խոշոր հարկատուների վճարած հարկերի աճ, պարզել են հասարակական կազմակերպությունները: Ավելացել է նաև խոշոր հարկատուների ցուցակում հայտնվելու շեմը, եթե նախորդ տարի 1000-րդ խոշոր հարկատուն վճարել էր 141 մլն դրամ, ապա այս տարի վճարել է 186 մլն դրամ:
Մեկնաբանություն