Հայաստանում ևս վերջին ամիսներին, բացի հեղուկ գազից, նկատվում է բենզինի և վառելիքի գների կտրուկ աճ: ՙՌեգուլյար՚ բենզինի մեկ լիտրը հայաստանյան բենզալցակայաններում վաճառվում է 520 դրամով, իսկ ՙպրեմիումը՚՝ 540 դրամով: Նշենք, որ դիզելային վառելիքի գինը ևս բարձրացել է՝ դառնալով 650 դրամ: Բենզինի և վառելիքի գների կտրուկ աճը հանգեցրել է վարորդների դժգոհությանը, նրանցից շատերի խոսքով, գրեթե ամբողջ փողը ծախսվում է վառելիքի վրա, եթե առաջ մեկ լիտրի համար վճարում էին 420-450 դրամ, ապա այսօր ստիպված են կրկնակի վճարել, հիմա նույնիսկ նախընտրում են օգտվել հասարակական տրանսպորտից: Վառելիքի թանկացումը բացատրվում է համաշխարհային շուկայում նավթի գնի բարձրացմամբ: Թեև վերջին շրջանում նավթի գինը համեմատաբար նվազել է, սակայն հայաստանյան շուկայում, բացի հեղուկ գազից, վառելիքի մյուս տեսակների գնային բարձր սանդղակը դեռևս շարունակում է պահպանվել:
