Արցախում բանկերը միմյանց քարտերը սպասարկելու են առանց միջնորդավճար գանձելու

Այսուհետև Արցախի Հանրապետությունում գործունեություն ծավալող  յուրաքանչյուր բանկ Արցախում գործող մյուս բանկերի քարտերն  սպասարկելու է առանց միջնորդավճար գանձելու, իսկ դրա` տեխնիկապես  անհնարինության դեպքում, գանձված միջնորդավճարը քարտապանին կվերադարձնի գործարքի հաջորդ օրը:

Արձագանքելով  խնդրին և հաշվի առնելով ստեղծված վիճակը` Արցախի Օպերատիվ շտաբը հարցը քննարկել էր ՀՀ կենտրոնական բանկի հետ,  որից հետո Արցախում գործող բոլոր բանկերին առաջարկվել էր վերոնշյալ կարգավորումը:  Բոլոր բանկերը համաձայնել և պատրաստակամություն են հայտնել ապահովել  ընթացակարգի իրականացումը: