2024 թվականի ամառային զորակոչի անցկացման ժամկետը երկարաձգվել է մինչև օգոստոսի 15-ը ներառյալ
ՊՆ-ն հերքում է Իրանի հետ 500 միլիոն դոլարի սպառազինության ձեռքբերման պայմանագիր ստորագրելու լուրը
«Վեոլիա Ջուր» ընկերությունը հայտարարել է, որ վարձակալության պայմանագրի պահանջները խստորեն կատարում է՝ չնայած ջրազրկումների և կորուստների խնդրին
2024թ. մայիսին ՀՀ բանկերով ստացվել է 415.99 մլն դոլար, արտերկիր փոխանցվել է 294.15 մլն դոլար։ Զուտ ներհոսքը՝ 121.8 մլն դոլար
Ռուսաստանին բաժին է ընկնում 2024թ.-ի մայիսի ֆիզիկական անձանց անունով արտերկրից ստացված փոխանցումների 63.73%-ը
Ներդրումային ընկերությունների ակտիվները 2024 թ․-ի հունիսին կազմել են 205 մլրդ ՀՀ դրամ
Windows-ի խափանումը ամերիկյան խոշորագույն 500 ընկերություններին 5,4 միլիարդ դոլարի վնաս կպատճառի
ՀՀ կառավարության 2025-2027թթ. միջնաժամկետ ծախսերի ծրագրի իրատեսականությունը մտահոգիչ է. «Լույս» հիմնադրամ
Գազամատակարարումը ժամանակավորապես կդադարեցվի. մանրամասները՝ ABnews.am կայքում
Երևանի և մարզերի մի շարք հասցեներում լույս չի լինի. մանրամասները՝ ABnews.am կայքում
ՀՀ բանկերի միջոցով ֆիզիկական անձանց անունով արտերկրից ստացված փոխանցումների ծավալը 2024թ.-ի մայիսին կազմել է 415․99 մլն դոլար
ԵԱՏՄ-ն և Ինդոնեզիան առևտրային համաձայնագրի շուրջ բանակցությունների նոր փուլ են անցկացրել
Երևանի ավտոպարկը կհամալրվի ևս 250 18 մետրանոց ավտոբուսներով
2023 թվականին ՀՀ պետական բյուջեի պակասուրդը կազմել է -179 մլն դրամ
Դոլարի և ռուբլու փոխարժեքները, ինչպես նաև ոսկու գինն աճել են. ՀՀ ԿԲ, 24/07/24
Ներդրումային ոլորտը հուլիսի 24-ին. մանրամասները՝ ABnews.am կայքում
2024-ի տեխնոլոգիական միտումները. Վերջին զարգացումները. How2B. մանրամասները՝ ABnews.am կայքում
Եղանակի տեսությունը հուլիսի 24-ին. օդի ջերմաստիճանը կնվազի․ մանրամասները՝ ABnews.am կայքում
Մեկ օրում բացահայտվել է հանցագործության 131 դեպք. գրանցվել է 12 ավտովթար. զոհվել է 3, վիրավորվել՝ 13 մարդ
ՊԵԿ-ը կանխել է մաքսային հսկողությունից թաքցված դեղորայքի ներկրման փորձը

Միասնական սոցիալական ծառայության 49 տարածքային կենտրոններում որպես աշխատանք փնտրող հաշվառվել է 3490 բռնի տեղահանված

Նյմ 14, 2023 19:43
54
ADS

Աշխատանքի և սոցիալական հարցերի նախարարի տեղակալ Ռուբեն Սարգսյանի տեղեկացմամբ՝ 2023 թվականի սեպտեմբերի 19-ից մինչև նոյեմբերի սկիզբ ընկած ժամանակահատվածում աշխատանքային պայմանագիր է կնքվել Լեռնային Ղարաբաղից բռնի տեղահանված 2384 անձի հետ։ Նոյեմբերի 14-ի դրությամբ միասնական սոցիալական ծառայության 49 տարածքային կենտրոններում, որպես աշխատանք փնտրող, հաշվառվել է 3490 անձ, որից 3035-ը ստացել են գործազուրկի կարգավիճակ։ Այդ թվից 1336 հոգի ուղեգրվել է տարբեր գործատուների մոտ։

ՀՀ կառավարության հումանիտար կենտրոնում կազմակերպված մամլո ասուլիսի ժամանակ Սարգսյանը նշեց, որ միասնական սոցիալական ծառայության գրասենյակում այս պահին գրանցված է 10445 թափուր աշխատատեղ տարբեր մարզերից և տարբեր գործատուների կողմից։ Այդ աշխատատեղերի վերաբերյալ քաղաքացիները կարող են տեղեկատվություն ստանալ e-work.am և workforall.am կայքերի «Գտիր աշխատանք» բաժնում, որտեղ ավելի մանրամասն տեղեկատվություն է ներկայացված աշխատատեղերի բաշխվածության, աշխատավարձերի չափերի, աշխատաժամերի և այլ մանրամասների մասին։

Քաղաքացիները կարող են նաև դիմել տարածքային գրասենյակներ և ավելի մանրամասն ծանոթանալ պայմանների հետ։ Տարածքային կենտրոններում նախարարության մասնագետներն անհրաժեշտության դեպքում կուղղորդեն մարդկանց համապատասխան գործատուների մոտ՝ ըստ նրանց պահանջների։

«Աշխատանքի և սոցիալական հարցերի նախարարությունը UNDP կազմակերպության հայաստանյան գրասենյակի հետ համատեղ մեկնարկում է փորձնական ծրագիր, որն ի սկզբանե ընդգրկելու էր շահառուների երեք խումբ՝ 18-30 տարեկան չաշխատող և սովորող երիտասարդներ, 30-40 տարեկան կանայք և սոցիալական նպաստ ստացողներ։ Բայց իրադարձությունների զարգացման հետևանքով ավելացել է ևս մեկ թիրախային խումբ՝ ի դեմս ԼՂ-ից բռնի տեղահանվածների։ Ծրագրով նախատեսված է տարբեր մասնավոր գործընկերների միջոցով իրականացնել զբաղվածության ծրագրեր, որոնք ունեն ուսուցման, վերապատրաստման և աշխատանքի տեղավորման բաղադրիչներ»,- տեղեկացրեց փոխնախարարը։

Նրա փոխանցմամբ՝ այս պահին քննարկման փուլում են երկու ծրագրեր, որոնց շահառուներն առաջին հերթին բռնի տեղահանված մեր հայրենակիցներն են։

«Ծրագրերից մեկը վերաբերում է ուսուցմանն ու վերապատրաստման կամ պրակտիկայի ձեռքբերման միջոցով աշխատանքի տեղավորմանը։ Պետությունը մասնակցում է կրթության ծախսերի, կրթաթոշակի կամ փորձարարության ժամանակահատվածում աշխատավարձի ծախսերի փոխհատուցմանը, իսկ հետագայում նախատեսվում է նաև գործատուի հարկերի որոշ չափով փոխհատուցում։  Իսկ երկրորդ ծրագիրն ավելի շատ ուղղված է ինքնազբաղվածությանը, որում կա բիզնես վարելու և համապատասխան հմտություններ դրսևորելու պարտադիր պահանջ։ Լավագույնները կֆինանսավորվեն պետության կողմից։ Երևանում ծրագրերից մեկի իրականացման դեպքում այն կֆինանսավորվի մոտ երկու միլիոն դրամի չափով, իսկ մարզերում՝ չորս միլիոն դրամի չափով»,- ասաց Սարգսյանը։

Փոխնախարարի տեղեկացմամբ՝ նախատեսվում է իրականացնել համատեղ ծրագրեր նաև միջազգային ու տեղական գործընկերների միջոցով։ Նախարարությունն այս պահին մշակում է զբաղվածության ռազմավարությունը, ինչի հիման վրա կիրականացվեն նոր ծրագրեր, որոնց շնորհիվ ԼՂ-ից բռնի տեղահանվածները կգտնեն նոր աշխատանք։

 

Մեկնաբանություն